2 Mansɛnu 11:1 - ALLALA KUMƐ

¹ Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

2 Mansɛnu 11:1 ပူးပေါင်းရင်းမြစ်များ

Ko-Dabirɛnu 9:5

Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga.

Ko-Dabirɛnu 9:6

Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ.

1 Mansɛnu 1:12

Ni i ye a fɛ, wobɛ ila den Silamɛni niyi la ni kisi, n bi nala min fɔla i ye kɛ la, i ni wo ma tiriya!

1 Mansɛnu 2:44

Mansɛ ya a fɔ Simayi ye tun ko, “Ile nyɛrɛ ya a lɔn i ya ko-yogomɛ min ma n fa la. Wola ko la Mari Alla si ila ko-yogomɛ wo sara i la.

2 Mansɛnu 10:36

San mogan-ni-segin kɔrɔ, Yehu ye mansayɛ la Isirɛla nyamanɛ rɔ Samariya soe burɔ.

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 12:1

Yehula mansayɛ san wɔrɔnfila nyɔgɛ Isirɛla nyamanɛ rɔ, anu ya Yohasi ma mansɛ la san wo le la Yuda nyamanɛ rɔ. San bi-nani kɔrɔ, Yohasi ye mansayɛ la Yerusalɛm soe burɔ. Mansa Yohasi na tɔgɛ le Sibeya. Musi wo bɔra Biri-Siba soe le burɔ.

2 Mansɛnu 25:25

Kɔnɔ san wo karɛ wɔrɔnfila nyɔgɛ ma, Nɛtanayala den Sumanyila kɛ, wo tara mɔgɔ tan la a bolo Misipa ka Kɛdalaya faga nyɔ. Sumanyila kɛ, mansa-bon-kɔrɛ-dan do le ale la. A benba tɔgɛ Ilasama. Babilɔn mɔgɛ anubɛ Yuda mɔgɛ minnu siginɛ Mansa Kɛdalaya fɛ, anu ya wonu fanan faga.

2 Mansɛnu 8:26

Mansa Ehasaya kɛ mara mansɛ la a sɔrɔn-san mogan-ni-fila nyɔgɛ le ma. A ya san kelen pe le bɔ mansayɛ la Yerusalɛm soe burɔ. A na tɔgɛ le Atalaya, Mansa Ehabula dunmusi, kɔni. Atalaya benba tɔgɛ le Mansa Hɔmɔri, Isirɛla mansa-kɔrɛ, kɔni.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

2 Ko-Kɔrɔta-Karan 24:7

(Minnu bilanɛ Atalaya sɔn-yogomɛ fɛ, wonu bara Bato-Bon-dɛ keri nun. Miran minnu bi nyɔ nun Alla Bato-koe la, anu ya wo siyaman bi ka anu ma anuna bɛsi Beyali kɔ-fan la.)

Yɛrɛmaya 41:1

San wo karɛ wɔrɔnfila nyɔgɛ ma, Nɛtanayala den Sumanyila kɛ tara mɔgɔ tan na a bolo Misipa soe Kɛdalaya yen-tinɛ. Sumanyila kɛ, mansaya-bon-kɔrɛ mɔgɛ do le ale la. A benba tɔgɛ le Ilasama. Mansa kɔrɔmɛta mɔgɔ-ba le nun. Anu dama ye fen-dɔn kun na tumɛ min,

Matiyu 2:13

Wo kɔma, Marita melika bɔra gbɛ rɔ Yusufu ye kiyo rɔ. A ko, “I lasɔ. I ni dennɛ anubɛ a na bi ka wo buri ka ta Iyipiti nyamanɛ rɔ. Hɛrodi kɛ si dan kɛ nyini a faga-koe la. Wo ni to nyɔ ha n ni a fɔ i ye tumɛ min ko wo ni bɔ nyɔ.”

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Kɛlɛ-Kurugbɛnu 9:5

Kidiyɔnla dan Abimɛlɛki ya a fa-kelen-dan wonu bi ka ta anu na anu fa warɛ Ɔfara soe burɔ. A ya a na-kelen-nyɔgɛ mɔgɔ bi-wɔrɔnfila bira anu faga-koe la farɛ do kuma nyɔ. Kɛ bɛɛ rɔ fɔ mɔgɔ kelen, wo le kunyɛ bɔra a rɔ. Anu dɔgɛ laban Yɔtam, wo le ya a buri a kɔrɔ ka a dogon.