2 Mansɛnu 10:9 - ALLALA KUMƐ

⁹ Wo wulun sɔgɔma, Mansa Yehu tara nyɔ rɔ. A sɔra mɔgɛnu tɛma nyɔ rɔ. A ko, “Nde le ya Mansa Yɔram faga. Fɛɛ sa wo le la a faga-koe rɔ kɔnɔ kunyɛ minnu bi kɛ la, yon ya kɛnu faga nun?

2 Mansɛnu 10:9 ပူးပေါင်းရင်းမြစ်များ

2 Mansɛnu 10:6

Kilayɛ ban kɛ rakaranna Mansa Yehu ye, a ya kɛdi do sɛbɛ anu ma tun ko, “Ni wo ye n fɛ, ado a sɔgɛ ye wo la ka nna sereyanu bira, kɛ nyɔgɔn tumɛ sina, n ni Mansa Ehabu kegeya bi-wɔrɔnfilɛ wonu kunyɛ yen Yɛsɛreli soe burɔ yan.” Mɔgɔ bi-wɔrɔnfilɛ kɛnu namaranɛ Samariya mɔgɔ-banu denu bolo.

2 Mansɛnu 10:8

Anu ya a fɔ Mansa Yehu ye min kɛ ko anu bara na Mansa Ehabu kegeyɛ wonu kunyɛnu na, a ya a fɔ anu ye ko anu ni ta wonu nadɛn kan-tina fila soe tarɛ-don-dɛ dafɛ ka anu to nyɔ ha sina sɔgɔma.

Aiseya 5:3

Nba, n diyana-mɔgɛ ye a fɔla kaka ko, “Wole Yerusalɛm so-burɔ-mɔgɛnu anubɛ Yuda nyamanita-mɔgɛnu, wo ni kiti sa mabɛ nna ki-fannu tɛma.

Hoseya 1:4

Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’ bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”