2 Mansɛnu 10:26 - ALLALA KUMƐ

²⁶ Anu ya anuna bɛsi Beyali gbu labɔ luyi ma ka wo mintan.

2 Mansɛnu 10:26 ပူးပေါင်းရင်းမြစ်များ

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

1 Mansɛnu 15:13

A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 16:32

A ya bɔn sɔ bɛsɛ wo ye Samariya soe burɔ. A ya saraka-mintan-tinɛ ladan wo fanan ye bɔn wo burɔ.

2 Mansɛnu 11:18

Nyɔ-nyamanita-mɔgɛ wo damasi wulita ka ta bɔn wo la anu si Beyali kɔ kan min. Anu ya saraka-bɔ-tinɛnu tinya nyɔ ka bɛsɛ wonu tinya. Anu ya bɔn wo tinya fanan. Wo kɔma, anuna bɛsi-kɔlɛ min tɔgɛ Matan, anu ya wo fanan faga saraka-mintan-tinɛnu dafɛ nyɔ. Yɛhoyada ya kandali-kɛlɛ donu to Mari Bato-Bɔn makandan tinɛ nyɔ.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 19:18

ka anuna bɛsɛnu mintan, ado ma ya a lɔn ko alla ma wonu na. Kɔlɔma anubɛ kuru-lɛsɛnɛ le wonu na dɔrɔn! Anu nadannɛ hadama-dan bolo la.

2 Mansɛnu 23:12

Yuda mansɛnu ya bɛsi-kɔ-tinɛ minnu nadan Mansa Ehasi ki-tina-kɔrɛ kuma, ale Mansa Yosaya ya wo rakeri. Mansa Manasa ya bɛsi-kɔ-tinɛ minnu nadan Mari Bato-Bɔn kata gbaranda filɛ burɔ nun, a ya wonu fanan takeri. A ya kan-tina filɛ wo bɛsɛnu takerikeri ka wonu nakɛ a rɔ Kidirɔn lɛɛ rɔ.

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Mansɛnu 3:2

Mansa Yɔram bilara Mari la kɔnɔ a ma yogo iko a fa anubɛ a na sɔn ye nya min. A fa ara muninyɛ min nadan nun, anu si anuna bɛsi Beyali kɔ min na, a ya wo tinya.

1 Ko-Kɔrɔta-Karan 14:12

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Kɔnɔ Mansa Dawuda ya a fɔ ala kɛlɛ-dannu ye ko anu ni bɛsɛ wonu mintan.

2 Ko-Kɔrɔta-Karan 34:7

A ya bɛsi-kɔ-tinɛnu takerikeri anubɛ bɛsi-musi Asurala muninyɛ. A ya bɛsɛ wonu tabunden ka isɛnti mintan tinɛnu tatii. A tara wo ma-tinɛ Isirɛla nyamanɛ rɔ wo nya na le. A ban bɛsi-tinyɛ wonu na, a sɛgira a kɔma Yerusalɛm.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Tɔn-Fɔɛ-Fila-Nyɔgɛ 7:5

Woletɔ wo ni anuna saraka-mintan-tinɛnu wayan ka anu tanyɛnsɛn. Anu bi kuru-lɛsɛnɛ minnu kɔla, wo si wonu tatii. Anuna kɔlɔma minnu muninyanɛ anuna bɛsi-musumɛ la min tɔgɛ Asura, wo ni wonu tɛgɛ ka anu mintan.