2 Mansɛnu 10:15 - ALLALA KUMƐ

¹⁵ Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

2 Mansɛnu 10:15 ပူးပေါင်းရင်းမြစ်များ

Ko-Dabirɛnu 31:55

Leban ya a lasɔ sɔgɔma ka a mamanɛnu anubɛ ala dunmusinu kɔndɔn ka duwa anu ye. A wulita ka sɛgi a warɛ.

Ko-Dabirɛnu 47:10

Yakoba ya a masara mansɛ la. A tara.

Ko-Dabirɛnu 47:7

Yusufu wulita ka ta a fa Yakoba bi ka na a yira ale mansɛ la. Yakoba ya mansɛ kɔndɔn ka a wɔlɔbɔ. Yakoba ban mansɛ kɔndɔnna,

1 Mansɛnu 20:33

Mansa Ehabu ara a fɔ min kɛ ko, “N na-kelen-nyɔgɛ,” Mansa Bɛnhedadila mɔgɔ-banu ya a lɔn wo le ma ko anu bara kanan. Anu donta a fɔɛ rɔ ko, “I na-kelen-nyɔgɔ-bɛrɛbɛrɛ le.” Mansa Ehabu ya a fɔ anu ye ko, “Wo ni na a la yan.” Anu nanɛ a la, Mansa Ehabu ya a fɔ a ye ko, “Yɛlɛ n fɛ kirindi rɔ.” A yɛlɛta.

2 Mansɛnu 10:14

Mansa Yehu ya a fɔ a gba-fɛ-bilalɛnu ye ko, “Wo ni kɛnu bira.” Anu tara anu na denka-rayan-bɛ do dafɛ ka anu faga nyɔ. Anu ya minnu faga wo la, wonu mɔgɔ bi-nani ani mɔgɔ fila (42). Hali mɔgɔ-den-kelen ma to a niyi la wonu tɔ.

2 Mansɛnu 9:21

Mansa Yɔram ya a fɔ ko, “Wo ni nna kirindi rabɛn.” Anu ban wo mala, anubɛ Yuda Mansa Ehasaya sigira anuna kirindinu tɔ ka ta Mansa Yehu labɛn tinɛ. Anu tara bɛn Yɛsɛreli kɛ Nebɔtila wɔli-kɛ-tina-kɔrɛ rɔ.

1 Ko-Kɔrɔta-Karan 2:55

(Bɔnsɔn minnu kusan kɛdi sɛbɛla, wo donu sigira Yebɛsi soe burɔ. Bɔnsɔn wonu tɔgɛ le kɛnu na, Tairatinu wo, Simɛyatinu wo, anubɛ Sukatinu. Kenanu le wonu na minnu ya Rikabinu furu.)

Ɛsira 10:19

Wonu denu ya lanyiri kiri ko anu si anuna musinu boloka ka saga-yigi ma anu hakɛ-sarakɛ la.

Nihɛmaya 3:14

Rekabula den Malakiya min bi Bɛti-Hakɛram tɛngbɛnya kun na, wo le ya Nyɛ-Rawuya don-dɛ ladan. Wo ya a kankan anubɛ a da-rasɔgɔ-fan bɛɛ ladan.

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Yɛrɛmaya 35:2

A ko n ni ta kuma Rɛkabu kebilɛ ye. N ni anu bi ka ta anu na Bato-Bon-konko do la ka nɔnbɔ-gbɔ-yi di anu ma.

Isikiyɛli 17:18

Sarama-kan min bi anu tɛma, Yuda mansɛ wo ya a waralɛ tinya woletɔ a kunyɛ ti bɔ a rɔ.

Kɛwɔlɛnu 8:31

Kun tigi wo ya a yabi ko, “Ni mɔgɔ ma a fɛsɛfɛsɛ n ye, n si a nya-yen kama?” Wo kɔma, a ya Filipi kele ko a ni yɛlɛ ka sigi a fɛ ala kirindi rɔ.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Kalesiya 4:12

N na-kelen-nyɔgɛnu, n bi wo madiyala, wo ni ma iko nde ye nya min. N hɔrɔyanɛ koe kɛnuna ko la, ado nde ya n taya ka ma iko wole sibolo-gbɛrɛnu bi nya min. N hɔrɔyanɛ tɔn wara-koe ma.