2 Mansɛnu 10:14 - ALLALA KUMƐ

¹⁴ Mansa Yehu ya a fɔ a gba-fɛ-bilalɛnu ye ko, “Wo ni kɛnu bira.” Anu tara anu na denka-rayan-bɛ do dafɛ ka anu faga nyɔ. Anu ya minnu faga wo la, wonu mɔgɔ bi-nani ani mɔgɔ fila (42). Hali mɔgɔ-den-kelen ma to a niyi la wonu tɔ.

2 Mansɛnu 10:14 ပူးပေါင်းရင်းမြစ်များ

1 Mansɛnu 20:18

Mansa Bɛnhedadi ya a fɔ anu ye ko, “Ni anu nara kɛlɛ-kɛ-tinɛ le, ni anu nara a nyɛrɛ niyi latenbi tinɛ le, wo ni anu bira kɔnɔ wo kana ko ma anu na mumɛ!”

2 Mansɛnu 10:12

Mansa Yehu bɔra Yɛsɛreli soe burɔ ka ta Samariya. A tamatoe bɛnta Yuda Mansa Ehasayala mɔgɛ donu na kan tinɛ min tɔgɛ Saga-Fɛ-Biralɛnuna Dagɛ. A ya anu manyinika ko, “Yon bi wole la?” Wonu ko, “Mansa Ehasaya na-kelen-nyɔgɛ le male la. Ma ye tala Yɛsɛbɛli saya-kɔndɔli-kɛ-tinɛ.”

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

2 Mansɛnu 10:6

Kilayɛ ban kɛ rakaranna Mansa Yehu ye, a ya kɛdi do sɛbɛ anu ma tun ko, “Ni wo ye n fɛ, ado a sɔgɛ ye wo la ka nna sereyanu bira, kɛ nyɔgɔn tumɛ sina, n ni Mansa Ehabu kegeya bi-wɔrɔnfilɛ wonu kunyɛ yen Yɛsɛreli soe burɔ yan.” Mɔgɔ bi-wɔrɔnfilɛ kɛnu namaranɛ Samariya mɔgɔ-banu denu bolo.

2 Mansɛnu 11:1

Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

2 Mansɛnu 8:18

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

2 Ko-Kɔrɔta-Karan 22:10

Mansa Ehasaya na le Atalaya la. Ale Atalaya ya a lamɔɛn min kɛ ko Yehu ara ala den Mansa Ehasaya faga, ale Atalaya ya a nyɛrɛ mamanɛ bɛɛ faga.

2 Ko-Kɔrɔta-Karan 22:8

Yehu tenbi anu fagɛ wo le kun na, a bɛnta Yuda mɔgɔ-ba donu na anubɛ Mansa Ehasaya berinnɛ donu minnu tara Mansa Ehasaya fɛ Mansa Yɔram kɔndɔn tinɛ. Ale Yehu ya wo damasi faga.

Yɛrɛmaya 41:5

mɔgɔ bi-segin nara ka bɔ Sɛkɛm anubɛ Sailo anubɛ Samariya soenu tɔ. Anu ya anu buyɛ masii ka anuna durukinu tafara yisi-tinya bolo ka anu nyɛrɛ matanban ka a tɛgɛ Yerusalɛm tinya-koe ma. Anu nara fui-fan anubɛ isɛnti la anu bolo Mari kɔ-tinɛ Bato-Bɔn la.