2 Mansɛnu 1:9 - ALLALA KUMƐ

⁹ Wo kɔma, mansɛ ya ala kɛlɛ-den bi-loli bila ala kɛlɛ-den-kunyɛ do fɛ ko anu ni ta Nɛbi Ilaya bira. Wonu tara a siginɛ taran kɔnkɛ do kuma. Kɛlɛ-den-kunyɛ wo ya a fɔ Nɛbi Ilaya ye ko, “Ile Allata mɔgɛ, mansɛ ko i ni yigi yan!”

2 Mansɛnu 1:9 ပူးပေါင်းရင်းမြစ်များ

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 18:42

Mansa Ehabu ye fen dɔn kun na tumɛ min, Nɛbi Ilaya yɛlɛta Kamɛli kɔnkɛ kun tɛma. A ya a maburun dugi ma ka a kunyɛ gbangban a kunbelen filɛ tɛma.

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

2 Mansɛnu 2:25

Wo kɔma, Nɛbi Ilaisa tara Kamɛli kɔnkɛ kuma. Kɔnɔ tɔ-a-la, a bɔra nyɔ ka ta Samariya soe rɔ.

2 Mansɛnu 4:25

A sigira sofɛlɛ wo la. Anu ya Kamɛli kɔnkɛ kilɛ bira nɛbi wo siginɛ kan min. Nɛbi Ilaisa ya musi wo namatoe yen wula-yan la min kɛ, a ya a fɔ ala wɔli-kɛla Kɛhasi ye ko, “I yɛ lata Sunam musi wo ma nala pan.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Emɔsi 7:12

Wo kɔma, Saraka-Masɔla-Kun-Tigi-Wɛ Hamasa ya a fɔ Nɛbi Emɔsi ye ko, “E, ile Emɔsi, itɛ ara a bɔ. Sɛgi i warɛ Yuda nyamanɛ rɔ. I ni ta ila wɔlɔyiya-kumɛnu fɔ nyɔ. Wonu si to i sarala.

Matiyu 14:3

Yɔni ye Hɛrodi miriya rɔ bawo a ya a ma nun, a ara Yɔni bira ka a kiri yele la. A ya wo ma ka a tɛgɛ a na-kelen-nyɔgɛ Filipila musi Hɛrodiyasila ko la.

Matiyu 26:68

Anu ko, “Allata-Mɔgɔ-Yabɔnɛ, wɔlɔyiyɛ kɛ ma ye! Min ya i dɛ ratii, wo fɔ ma ye!”

Matiyu 27:29

Anu ya wɔnɛ ma mansaya-fulɛ la ka wo sigi a kunyɛ la ka kɔlɔma don a bolo-nyimɛ rɔ. Wo kɔma, anu ya anu nyɛnkin a kɔrɔ a mayɛlɛn-koe la. Anu ko, “Yahudiyanuna mansɛ, alamɛ i mɛra!”

Maraka 15:29

Mɔgɔ-tenbimatoenu ya anu kunyɛ radɔn Yisa ma ka a lafɛya. Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ,

Maraka 15:32

Ma ni Allata-Mɔgɔ-Yabɔnɛ, Isirɛla mansɛ yen yigila kaka ka bɔ kɔlɔma ma, ado ni wo mara, ma si la a la!” Mɔgɔ filɛ minnu gbangbanta kɔlɔma ma a tɔnkɔnnu tɔ, wonu fanan ya a lafɛya.

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

1 Samuwɛli 19:21

Mansa Sɔli ya wo fanan namɔɛn min kɛ, a ya mɔgɔ-gbɛrɛkɛnu nata tun Dawuda bira tinɛ nyɔ. Wonu fanan ke nyɔ rɔ, anu donta dɔn-kɛ anubɛ wɔlɔyiya-kuma-fɔɛ rɔ. Kilayɛ sawa nyɔgɛnu fanan natanɛ nyɔ rɔ, wonu fanan tara don dɔn-kɛ anubɛ wɔlɔyiya-kuma-fɔɛ rɔ.