2 Mansɛnu 1:2 - ALLALA KUMƐ

² Wonu bi murutiyɛ wo kun na tumɛ min, Mansa Ehasaya bɔra porokɔlɔla san-bɔn la Samariya soe burɔ ka bui dugi ma. A ya a tanban boloko-yogomɛ-kɛ. A ya kilayɛnu nata bolo tafɛlɛn tinɛ Filisitinuna bɛsɛ do ma min tɔgɛ Beyali-Sibubu min bi Ɛkirɔn soe burɔ. A ya wo ma alako a ni a lɔn ni a si kisi, ni a ti kisi.

2 Mansɛnu 1:2 ပူးပေါင်းရင်းမြစ်များ

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 14:3

Biredi-lɔngbɔn tan bi. Wo kɔma, i ni dɛgɛ-yilannɛ anubɛ liyi-bara kelen bi ka ta wonu na a ye. I ni a manyinika mala dan kiraya-koe rɔ. Ni min bi nala mala a la, a si wo fɔ i ye.”

1 Mansɛnu 22:34

Kɔnɔ Siriya kɛlɛ-dan do ye nyɔ nun, wo ya ala kalabɛn lakɛ. Kalabɛn wo tara bɛn Isirɛla Mansa Ehabu la ka don a kɔgɔ-matanka-fan latugun tinɛ do rɔ. Mansa Ehabu ya a fɔ ala kirindi-laburilɛ wo ye ko, “N bara tanban. Ma sɛgi. Ma fara kɛlɛ la.”

2 Mansɛnu 1:16

Anu ke, a ya a fɔ mansɛ ye ko, “Mari ko, Alla sa Isirɛla nyamanɛ rɔ min bi a tola, i ye kilayɛnu natala bolo tafɛlɛn tinɛ Ɛkirɔn kɛnuna Bɛsi Beyali-Sibubu wara, wa? A ko fanan bawo i wara wo ma min kɛ, woletɔ i ti bɔ i gbɛ kɛ rɔ. I niyi ye bɔla yan de!”

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

2 Mansɛnu 1:6

Wonu ya a fɔ a ye ko, “Kei do bɛnta ma la kilɛ la. Wo le ya ma lasɛgi i wara ko ma ni Mari kuman-kan latenbi i ma. A ko, ‘Nfenna i ye kilayɛnu natala bolo tafɛlɛn tinɛ Ɛkirɔn kɛnuta bɛsɛ Beyali-Sibubu wara?’ A ko, ‘Ile lara a la ko Alla sa Isirɛla nyamanɛ rɔ, wa?’ Kei wo ya a fɔ ma ye ko ma ni na Mari kuman-kan kɛnu natenbi i ma ko, ‘Bawo i ya kilayɛnu nata bolo tafɛlɛn tinɛ, woletɔ i kunyɛ ti bɔ kirayɛ kɛ rɔ muk, ado i ye fagala le.’ ”

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

Yobu 31:3

Kɔnɔ karagbɛlɛnu si kasarɛ sɔrɔn. Ko-yogoma-kɛlɛnu si tɔrɔ.

Keninteya-Siginu 2:9

A ye a burila iko sɛnsɛ-bulan. A sɔnɛ yasɛ kɔma ka a yɛ masa n ma woe la.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 2:6

E, Alla, i wara i ban ila mɔgɛnu na, Yakoba kegeyɛnu, kɔni. Nyamanɛ kɛ lafanɛ nya-nyini-kɛlɛnu na ka bɔ tele-bɔɛ wara la anubɛ Filisiti nyamanɛ rɔ. Ila mɔgɛnu bi sibolo-gbɛrɛnuna namunyɛ bila.

Aiseya 37:12

N benbanu ya Koson kɛnu nɔ anubɛ Hɛran kɛnu anubɛ Resɛfu kɛnu anubɛ Idɛn kɛnu minnu bi Tɛlasa nyamanɛ rɔ, ado wonuna bɛsɛnu ma ke anu kunkala n benba wonu bolo.

Aiseya 37:19

ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Maraka 3:22

Tɔn-karan-mɔgɛ minnu nara ka bɔ Yerusalɛm, wonu bi a fɔla ko, “Biyɛsiba min bi nyina-kun-tigiyɛ la, wo le ye Yisa fɛ!” Donu ko, “Setanɛ min bi nyina-mansɛ la, wo le ara nyina-gben-sɛnbɛ di a ma.”

Luka 11:15

Kɔnɔ donu ko, “Nyina-kun-tigi Biyɛsiba, wo le ara nyina-gben-sɛnbɛ di a ma.”

Kɛwɔlɛnu 20:9

Keminɛ min tɔgɛ Yutikasi, wo siginɛ wundan la nun. Pɔli ye kumala tumɛ min, kinɔgɛ ya ale keminɛ wo yɛ bira kati! Tɔ-a-la, kinɔgɛ tenbira a ma peru! A bɔra san-bon sawa nyɔgɛ la ka bui dugi ma fugbu! Anu bi tala a bila tumɛ min, anu ya a taran, a ara faga!

Yasowa 15:11

Dan wo le tara ha ka ke kɔnkɛ ma min bi Ɛkirɔn soe kantɔ ka ta Sikirɔn soe wara la ka tenbi Beyalila kɔnkɛ la ka ta ke ha Yabaniyɛli soe ma. A danta kɔgɔ-yi la

Kɛlɛ-Kurugbɛnu 11:24

Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?

Kɛlɛ-Kurugbɛnu 5:28

“Sisara na-musu-kɔrɛ yɛ tora kilɛ la. A ya a fɔ bɔn la ko, ‘Nfen ya a to, nna dan anubɛ ala kirindi ara mɛ bi? Ala soeenu bi mintɔ bi wo?’

1 Samuwɛli 5:10

Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”