2 Mansɛnu 1:17 - ALLALA KUMƐ

¹⁷ Ale Mansa Ehasaya fagara a gbɛ wo rɔ nyɔ iko Mari ya a fɔ Nɛbi Ilaya ye nya min. A na-kelen-nyɔgɛ Yɔram sigira a gbɛ rɔ mansayɛ la bawo den-kei sa ale bolo. Kɛ mara wati min, wo ya a taran, Mansa Yɛhosafatila den Yɛhoramla mansayɛ ara san fila bɔ Yuda nyamanɛ rɔ.

2 Mansɛnu 1:17 ပူးပေါင်းရင်းမြစ်များ

1 Mansɛnu 17:16

Tuli anubɛ dɛgɛ-munke ma ban kɛɛ-musila miran wonu tɔ iko Mari ya a fɔ Nɛbi Ilaya ye nya min.

1 Mansɛnu 22:38

Anu ya ala kirindi bi ka ta a maku yɛlannuna ku-kɛ-tinɛ Samariya soe kɔma. Wulinu ya a yele manɛ nyɔ le iko Mari ya a fɔ nya min.

1 Mansɛnu 22:42

Yɛhosafati ya mansayɛ sɔrɔn a san bi-sawa ani a san loli nyɔgɛ le ma. San mogan-ni-loli kɔrɔ, a ye mansayɛ la. A siginɛ Yerusalɛm soe le burɔ nun. A na le Silihayila den Asuba la.

1 Mansɛnu 22:51

Yuda Mansa Yɛhosafatila mansayɛ san tan-ni-wɔrɔnfila nyɔgɛ ma, Ehabula den Ehasaya mara mansɛ la Isirɛla nyamanɛ rɔ. San fila kɔrɔ, a ye mansayɛ la. A siginɛ Samariya soe burɔ.

2 Mansɛnu 1:18

Mansa Ehasaya ya ko-gbɛrɛ minnu ma ala mansayɛ kɔrɔ, anu ya wonu sɛbɛ Isirɛla Mansɛnuna buku-gbɛrɛ rɔ.

2 Mansɛnu 10:17

Anu kera Samariya soe burɔ tumɛ min, Mansa Ehabula mɔgɛ toe minnu bi Samariya soe burɔ, Mansa Yehu ya wonu damasi lato dogbe iko Mari ya a fɔ Nɛbi Ilaya ye nya min.

2 Mansɛnu 3:1

Yuda Mansa Yɛhosafatila san tan-ni-wɔrɔnfilɛ mansayɛ la, a san tan-ni-segin nyɔgɛ ma, Mansa Ehabula den Yɔram mara mansɛ la Isirɛla nyamanɛ rɔ san wo le la. San tan-ni-fila kɔrɔ, a ye mansayɛ la Samariya soe burɔ.

2 Mansɛnu 9:36

Wonu nara wo fɔ Mansa Yehu ye min kɛ, a ya a fɔ ko, “Mari ya kɛ le fɔ ala wɔli-kɛlɛ Nɛbi Ilaya Tisibi kɛ ye ko, ‘Wulinu si Yɛsɛbɛli soge dɔn Yɛsɛreli soe burɔ.

2 Ko-Kɔrɔta-Karan 17:1

Yɛhosafati sigira a fa Mansa Esa gbɛ rɔ mansayɛ la. A ya ala sɔ tinɛ makofu alako Isirɛla mɔgɛnu kana na a kɛlɛ.

Tɔn-Fɔɛ-Fila-Nyɔgɛ 34:5

Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.