2 Mansɛnu 1:15 - ALLALA KUMƐ

¹⁵ Anu tora wo le la, Marita melika ya a fɔ Nɛbi Ilaya ye ko, “Hali i ma kilan. Bila a fɛ. I ni ta.” Nɛbi Ilaya bilara a fɛ. Anu tara mansɛ taran.

2 Mansɛnu 1:15 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

1 Mansɛnu 18:15

Nɛbi Ilaya ya a fɔ a ye ko, “Nde ye wɔlila Mari-nimɛ Sɛnbɛ-Bɛɛ-Tigi min ye, n bara n keli wo tɔgɔ rɔ ko n si n nyɛrɛ yira Mansa Ehabu la bi.”

2 Mansɛnu 1:14

Kɛlɛ-kun filɛ anubɛ anuna mɔgɛ minnu nara, tɛ ara bɔ san ma ka wonu faga. Kɔnɔ i yandi, kinikini nde ma! I kana n bɔnɔ n niyi rɔ.”

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.