2 Mansɛnu 1:10 - ALLALA KUMƐ

¹⁰ Nɛbi Ilaya ya a fɔ kɛlɛ-den-kunyɛ wo ye ko, “Ni Allata mɔgɛ le nde la, alamɛ tɛ bɔra san ma ka wobɛ ila mɔgɛ kɛnu mintan.” Tiriyante wo rɔ, Alla ya tɛ layigi ka anu halaki!

2 Mansɛnu 1:10 ပူးပေါင်းရင်းမြစ်များ

1 Mansɛnu 22:28

Nɛbi Mɛkaya ya a fɔ ale mansɛ ye ko, “Ni ile kɛndɛ sɛgira tun ka bɔ kɛlɛ rɔ, nba Mari ma kuma nde ye worɔ. Mɔgɛ bɛɛ ni a yili to nna kumɛ kɛ ko.”

2 Mansɛnu 1:11

Wo kɔma, ale mansɛ ya a nyɔgɔn mɔgɔ bi-loli anubɛ kɛlɛ-den-kun kelen nata tun nɛbi bira tinɛ. Wonu fanan ke Nɛbi Ilaya ma, kɛlɛ-den-kunyɛ ya a fɔ Ilaya ye ko, “Ile Allata mɔgɛ, mansɛ ko i ni yigi yan tiriya!”

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yobu 1:16

Yanni wo ni a kuman-kan wo laban, kilayɛ do burumatoe nara tun. Wo ya a fɔ ale Yobu ye ko, “San gbalamɛ ara ila saga-fɛ-biralɛnubɛ ila saga bɛɛsi faga tɛrr, fɔ nde min kelan kunyɛ bɔra a rɔ!”

Yaburi 105:15

anu kana na ko ma ata mɔgɔ-yabɔnɛnu na. A ko anu kana na ko-yogoma ma ala nɛbinu na fanan.

Yaburi 106:18

Tɛ bɔra san ma ka yigi anu gba-fɛ-bilalɛnu tɔ kiribo! A ya karagbɛlɛ wonu mintan gburr!

Daniyɛli 3:22

Bawo mansɛ ara a ma, anu bara tɛ ladɛn belebele kɛ, nba kɛlɛ-dan minnu ya kemini-mɔgɔ sawɛ kɛnu nafili tɛ rɔ, ta-wuyan ya wonu faga.

Daniyɛli 3:25

Ale mansɛ ko, “Nfenna worɔ, n bi mɔgɔ nani yenna tagamana tɛ wo rɔ? Wo ni wo yɛ lata. Anu kirini ma tun, ado n ma la a la ni anu tanbannɛ le. Anu nani nyɔgɛ wo mani de iko Allata melika.”

Daniyɛli 6:24

Mansɛ wo ya a fɔ ko, “Minnu ya Daniyɛli maburi n ye, wo ni wonubɛ anuna denbayɛnu bira ka anu nakɛ yarɛnu kɔrɔ.” Anu nanɛ mɔgɛ wonu na, anu ba min nakɛ yarɛnu kɔrɔ, yanni wo ni ke dugu ma, yarɛnu gbanta anu na ka anu ramɔsɔkɔn-mɔsɔkɔn.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Matiyu 21:41

Anu ya a yabi ko, “A si mɔgɔ-yogomɛ wonu faga serr, ka mɔgɔ-gbɛrɛnu sinka a la minnu si atɛ di a ma a keri-wati rɔ.”

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Kɛwɔlɛnu 12:19

Hɛrodi ya a fɔ ko anu ni a nyini kɔnɔ anu ma ke a yenna. Woletɔ a ya yele-makandannɛnu fɛsɛfɛsɛ bɛrɛkɛ! Wo kɔma, a ya yele-makandannɛ wonu faga-koe latɛgɛ. Wo ban, Hɛrodi bɔra Yudiya ka ta a sigi Sɛsariya soe burɔ.

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.