Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.
Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.
A kolan laku tinɛ le Mohabu nyamanɛ la. A si ala sanbarɛ lafili Idɔm nyamanɛ rɔ ka a yira anu na ko atɛ le nyamanɛ wo la fanan. A ye sɔnkɔ-sɔnkɔla bawo a ara Filisiti nyamanɛ nɔ.
Anu si yiri ka siyaya. Anu kegeyɛnu si taran nyamani-siyaman tɔ. Anuna mansɛ si fanka sɔrɔn ka tenbi Amalɛki Mansɛ Ekagi la. Ata mansaya-sɛnbɛ si koloya ka ke kan-tina-siyaman tɔ.