2 Kɔrɛnti 7:8 - ALLALA KUMƐ

⁸ Hali nna kɛdi wo ya wo yisi lafin, n ya a sɛbɛ wo ma min kɛ, n nimisani ma wola ko la. N nimisara fɔlɔ-nun ala ko la bawo n ya a lɔn ko kɛdi wo ara wo yisi lafin wati-kundu-ni kɔrɔ.

2 Kɔrɛnti 7:8 ပူးပေါင်းရင်းမြစ်များ

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Yɔni 16:6

N bara wo fɔ wo ye min kɛ, wo yisi ara tinya.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

2 Kɔrɛnti 7:12

N ma kɛdi wo sɛbɛ wo ma ka a tɛgɛ min bara ko-yogomɛ kɛ anubɛ ko-yogomɛ kɛra min na. N ya a sɛbɛ le alako Alla ni a gbɛ wo ye, ma di wo ye nya min.

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

2 Kɔrɛnti 7:7

Ala nɛ dɔrɔn fɛ, wo ma. A ya dantɛgɛlɛ sa ka a bɛn wo ya a yisi-kimɛ nya min. Wo ya a ma, ma yisi kimara. N yen-sɔgɛ ya wo bira nya min, a ya wo rakaran ma ye anubɛ wo nimisara nya min. Wo rabɛnnɛ nya min ka n fɛka fanan, n ya wo bɛɛ lamɔɛn tumɛ min, n sewara kati!

2 Kɔrɛnti 7:9

Kɔnɔ tɔ-a-la, n sewani ma ko n bara a ma, wo yisi la ara fin kɔnɔ wola yisi-lafinyɛ ya a ma, wo ya wo kɛ-nyanu yɛlɛma. Yisi-lafinyɛ wo, Alla gbɛ le wo la. Woletɔ ma ma wo madumɛ hali!

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.