2 Kɔrɛnti 6:3 - ALLALA KUMƐ

³ Ma sa a fɛ, mɔgɔ-wo-mɔgɔ ni fɛɛ yen mala wɔlɛ la. Woletɔ ma ye ma rayala ko ma kana kin-natugu-fan sa kilɛ la mɔgɛnu ye.

2 Kɔrɛnti 6:3 ပူးပေါင်းရင်းမြစ်များ

Matiyu 17:27

Kɔnɔ ma sa a fɛ ka mɔgɛ kɛnu nasama. Woletɔ i ni ta dalɛ rɔ ka lunyɛ fili. Yɛgɛ fɔlɔtɛ min ba a bira, i ni wo labɔ. I si wodi yen a dɛ rɔ min si ma nta duti-sarɛ la anubɛ itɛ. Ta ka mala duti sara a la.”

Matiyu 18:6

“Dennɛ kɛ minnu dɛnkɛninyanɛ n ma, ni mɔgɔ-wo-mɔgɔ ya a ma, wo ni don hakɛ rɔ ha a ni bɔ n fɛ, a fisa wo mɔgɛ ye, kuru-belebele-wɛ ni kiri a kan la ka a lakɛ kɔgɔ-yi-dumɛ rɔ.

Kɛwɔlɛnu 19:27

Mɔgɛnu si wuli mala wɔlɛ kɛ rasɛla, ado wo dɔrɔn ma. Bɛsi-musumɛ-makawanɛ Atɛmisila kɔ tinɛ si ma fuyi la mɔgɛnu yala. Esiya nyamanita-mɔgɛ bɛɛ ye bɛsi-musumɛ wo kɔla anubɛ duninya-mɔgɛ bɛɛ! Mɔgɛnu bi nala nyinala a ko!”

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

1 Kɔrɛnti 9:12

Ni yoe ye donu bolo ka anutɛ sɔrɔn wo kuma, male don? Yo sa male bolo min kolo wonutɛ ko, wa? Kɔnɔ male ma yoe wo fenfen bira. Ma ya ma munyu koe bɛɛ kɔrɔ alako bɛɛ si Kirasitita kibara-nyimɛ lamɔɛn nya min.

1 Kɔrɛnti 9:22

Minnu sɔndɔmɛ rafaganɛ, fɔ n ni n nyɛrɛ ma iko anu denu fanan alako n ni wonu masɔrɔn nya min. Fɔ ni n mara fan bɛɛ la mɔgɛ bɛɛ ye alako n ni donu kisi anu tɔ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 8:20

Ma ye a mala ma fɛrɛma alako mɔgɛ kana fɛɛ-wo-fɛɛ yen ma la kɔ-fen-belebele kɛla ko la.