2 Kɔrɛnti 6:18 - ALLALA KUMƐ

¹⁸ N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

2 Kɔrɛnti 6:18 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

2 Samuwɛli 7:14

Nde si ma a fa la. Ale si ma nta dan la. A wa ko-yogomɛ ma, nde si a kolo iko fa si ala dan kolo nya min.

1 Ko-Kɔrɔta-Karan 17:13

Nde si ma a fa la. Ale si ma nta dan la. Kɔnɔ n ti bɔ ale fɛ iko n bɔra Sɔli fɛ nya min. Nde le ya mansayɛ bɔ Sɔli bolo ka a di ale Dawuda ma.

Yaburi 22:30

Ma kegeyɛnu si ala wɔlɛ kɛ. Wonu si ma tigi wara-koe fɔ anuta dannu ye.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Romu 8:19

A sɔgɛ ye dali-fannu na ka a lɔn ala dannu bi minnu na! Anu bi Alla makɔnɔna ka wonu yira anu na.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Ɛfɛsa 1:5

Alla ara ban a latɛgɛla ko ma ni ma a halala-dannu na Yisa Kirasiti baraka rɔ, ado a nyɛrɛ diyana-koe le wo bɛɛ la.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.