2 Kɔrɛnti 4:12 - ALLALA KUMƐ

¹² Ma ye ma niyi filila tuma-wo-tuma alako wo ni habadan-nimayɛ sɔrɔn.

2 Kɔrɛnti 4:12 ပူးပေါင်းရင်းမြစ်များ

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

1 Kɔrɛnti 4:10

Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

2 Kɔrɛnti 12:15

N si sewa ka n bolo-fan bɛɛ ni wola ko la, hali ka n nyɛrɛ niyi fanan sa a kuma wo dɛnbɛn-koe la. Nta keninteyɛ ye koloyala wo ye min kɛ, wo si a ma, wota keninteyɛ ma ni to yigila n bara la, wa?

2 Kɔrɛnti 13:9

Hali male rafaganɛ kɔnɔ ni wole sɛnbɛ kolo, wo le si ma lasewa. Woletɔ ma ye Alla matarala ko fɛɛ-wo-fɛɛ kana taran wo la.

2 Kɔrɛnti 4:11

Ma ye saya-masibɛ kɔrɔ Yisala ko la tuma-wo-tuma alako ata niyi ni yen ma bagbu-fagatɛ kɛnu tɔ.

2 Kɔrɛnti 4:13

A sɛbɛnɛ Allata kitabu rɔ ko, “N bara dɛnkɛninya, woletɔ n kumara.” Dɛnkɛninya kelan wo ye male fanan bolo. Woletɔ ma ye kawandili bɔla bawo

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

1 Yɔni 3:16

Ma ya keninteya-bɛrɛ lɔn kɛ le fɛ ko Kirasiti ya a niyi ni malela ko la. Male fanan ni ma niyi ni ma na-kelen-nyɔgɛnuna ko la.