2 Kɔrɛnti 12:21 - ALLALA KUMƐ

²¹ N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

2 Kɔrɛnti 12:21 ပူးပေါင်းရင်းမြစ်များ

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Ɛsira 9:3

Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Bɔ-Koe-Iyipiti 32:31

Musa yɛlɛta Mari wara kɔnkɛ kuma. A ko, “E, Mari, mɔgɛ kɛnu bara hakɛ-belebele-wɛ kɛ ka sɛnɛ ladan ninki-danla muninyɛ la

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

1 Kɔrɛnti 5:1

Nba, n ya a lamɔɛn ko yɛlɛnya-su do ye wo tɛma hali Alla-lɔnbɛlɛnu ti sɔn min sifa ma, ado tɛrɛna-ko le wo la n bolo. Anu ko mɔgɛ donubɛ a na-sena-musi ye kila.

2 Kɔrɛnti 10:6

Wo ni wota kuma-birɛ yira fɔlɔn, wo kɔma, ma si ma rabɛn ka kuma-birabɛlɛ-bɛɛ tɔrɔ!

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

2 Kɔrɛnti 13:2

Nna kɔndɔli fila nyɔgɛ rɔ, n ya hakɛ-tiginu makawandi nun, ado n sa wo fɛ kaka min kɛ, n bi a fɛ ka wobɛ doinu fanan makawandi. N ba ta tun tumɛ min, n si a lagbɛlɛya mɔgɛ bɛɛ kuma.

2 Kɔrɛnti 8:24

Wo ni wola keninteya-gbɛnɛ yira anu na. Wo ni wo ma alako chɔchi-mɔgɛnu ni a lɔn ma wasinɛ wo la min na.

Kalesiya 5:19

Fɛrɛ-bɔnku-nata ye nya min, wo lɔn-koe ma gbɛlɛ! A ye minnu kɛla, wo le kɛnu na, sɔn-yogoyɛ wo, miriya-yogomɛ wo, milibɛlitaya-koe wo,

Tɔn-Fɔɛ-Fila-Nyɔgɛ 9:15

“N ya n tintan ka yigi kɔnkɛ kɔrɔ kuru-walan filɛ ye n bolo tɔ tɔn sɛbɛnɛ minnu ma. Ta-mɛlan ye malanna kɔnkɛ kuma bilibili n kɔma-kilɛ la.

Tɔn-Fɔɛ-Fila-Nyɔgɛ 9:25

“N ya a yen min kɛ, Mari ye a sɛbɛ le la wo faga-koe la, n ya n maburun dugi ma Mari kɔrɔ su bi-nani tele bi-nani ka ale madiya.

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

Yude 1:23

I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!

1 Samuwɛli 15:35

Mari nimisara bawo a ara Sɔli ma mansɛ la. Samuwɛli fanan yisi tinyanta Sɔlila ko la, ado a ma Sɔli yen a yɛ la tun ha ale Samuwɛli fagara.