2 Kɔrɛnti 12:18 - ALLALA KUMƐ

¹⁸ N ya Taita madiya anubɛ ma na-kelen-nyɔgɛ do ko anu ni ta. Wo si a fɔ ko Taita ya tɔnɛ sɔrɔn wo bolo, wa? Ade, mabɛ wo taranta ko kelen kɛla yisi kelen na nun.

2 Kɔrɛnti 12:18 ပူးပေါင်းရင်းမြစ်များ

Nihɛmaya 5:14

Ka a bi Atasakasila mansayɛ san mogan ma ha ka a sigi a san bi-sawa ani san fila nyɔgɛ la, nde, Nihɛmaya ye kun-tigiyɛ la Yuda nyamanɛ rɔ. San tan-ni-filɛ kɛ kɔrɔ, mabɛ n na-kelen-nyɔgɛnu ma dɔn-fen wo dɔn-fen dɔn bɛ, a bɛnta, kun-tigi ni min dɔn.

Yilan-Yilan Koe 16:15

Wo kɔma, Musa yisi bɔra! A ya a fɔ Mari ye ko, “I kana sɔn anuta kɔ-fan la mumɛ! N ma ko-yogoma ma mɔgɛ kɛnu na! N ma anu bɔni fenfen na. Hali sofɛlɛ kelen, n ma wo bi anu bolo kɔ-fenyɛ la.”

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

1 Kɔrɛnti 4:21

Wo ye nyinina nfen ma? N ni na bosɛ la n bolo wo wara, ka, n ni na keninteyɛ anubɛ diyanayɛ le la wo wara?

2 Kɔrɛnti 7:2

Wo ni wo yisi laka male ye. Ma ma ko-yogoma kɛ mɔgɔ-wo-mɔgɔ la. Ma ma mɔgɛ karan ko-yogoma ma hali ka mɔgɔ kensunya.

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

2 Kɔrɛnti 8:6

Woletɔ Taita min ya wɔlɛ kɛ dabira, ma ya a madiya ko a ni to a kɛla. A ni to wo dɛnbɛna ka keninteya-wɔlɛ wo dafa.

1 Pita 2:21

Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.