2 Kɔrɛnti 12:14 - ALLALA KUMƐ

¹⁴ A sawa nyɔgɛ le kɛ la, n bi n tabɛnna ka ta wo kɔndɔn tinɛ. N ti wo manyinika fenfenna ko la, ado n sa wola wodi fɛ, fɔ wole nyɛrɛ. Fɛda, a ma bɛn, dennɛnu ni fen nadɛn anu sɔrɔnnɛnu ye. A bɛnta, anu sɔrɔnnɛnu ni fen nadɛn anuna dannu ye.

2 Kɔrɛnti 12:14 ပူးပေါင်းရင်းမြစ်များ

Hɛnkilimaya-Kumɛnu 11:30

Mɔgɔ-telennɛnu si gbɔ nimayɛ la iko kɔlɔmanu si gbɔ nya min. Hɛnkilimɛnu si mɔgɛnu sagan telenbagayɛ wara.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 19:14

Mɔgɛ si bɔn anubɛ nɔnfuli sɔrɔn a na anubɛ a fa kɛɛ rɔ kɔnɔ musu-nyima-sɔrɔn, wo ye bɔla Mari le bolo.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Kɛwɔlɛnu 20:33

N ma n niyi sa mɔgɔ-wo-mɔgɔla wodi-gbɛ anubɛ ala sɛnɛ kuma, hali ala kurɛ.

1 Kɔrɛnti 10:24

Mɔgɔ ti to i nyɛrɛ makoe nyinyala dɛɛ kɔnɔ a fisa, i ni mɔgɔ-gbɛrɛnu dɛnbɛ ka wonu fanan makoe nyinya.

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

1 Kɔrɛnti 11:34

Wo wa wo ladɛn fen dɔn tinɛ tumɛ min, yanni wo ni kiti sɔrɔn Alla bolo, ni kɔnkɛ ye wole do la, a bɛnnɛ wo tigi ni fen-dɔn-kɛ ala bɔn la. N ba na kɛ kɔma tumɛ min, wo ya n manyinika minnu na wola kɛdi rɔ, n si wonu natelen.

1 Kɔrɛnti 16:5

N ba Masidoniya nyamanɛ ratagama tumɛ min, n si na ke wo ma worɔ bawo n bi bɔla nyamanɛ wo le tɔ.

1 Kɔrɛnti 4:19

Kɔnɔ ni Mari sɔnta, a sa mɛla tun, n bi nala kela wo ma. Nba, mɔgɔ-wasinɛ wonu si ke min kɛla worɔ, nde nyɛrɛ si a lɔn ni anu bi da-rabu-tugi le la, ka, ni sɛnbɛ-bɛrɛ le anu bolo,

1 Kɔrɛnti 9:12

Ni yoe ye donu bolo ka anutɛ sɔrɔn wo kuma, male don? Yo sa male bolo min kolo wonutɛ ko, wa? Kɔnɔ male ma yoe wo fenfen bira. Ma ya ma munyu koe bɛɛ kɔrɔ alako bɛɛ si Kirasitita kibara-nyimɛ lamɔɛn nya min.

1 Kɔrɛnti 9:18

N si sarɛ nyuman sɔrɔn worɔ? Ka kibara-nyimɛ lake sarabirabɛlitayɛ la, nta sarɛ le wo la. N ya wɔlɛ min bɛɛ kɛ kibara-nyimɛla ko la, n ma n yoe fenfen nabɔ gbɛ ma worɔ.

1 Kɔrɛnti 9:19

Hɔrɛ le nde la, mɔgɛla yɔɔn ma n na. Kɔnɔ n bara n nyɛrɛ ma bɛɛta yɔɔn la alako n ni mɔgɔ siyaman sɔrɔn Yisa ye.

2 Kɔrɛnti 1:15

N lanɛ a la ko wo wasinɛ ma la min kɛ, woletɔ n ya a latɛgɛ nun ko n ni ta wole fɔlɔn kɔndɔn. Wo si duwa fila sɔrɔn bawo

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 12:13

Nba, n ya wo bira boloko-yogomɛ-kɛ ka tenbi chɔchi donu na nun kama? Fɔ n ma wo yakɔrɔ-mamɔ min kɛ wodi-ko-dɛnbɛnɛ la dɔrɔn. Wo yandi, wo ni n makoto hakɛ wo la!

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Filipai 4:17

A ma ma, n makoe ye kɔ-fen na wo bolo. Min fisa, n ni to wo yenna sabatila ka a tɛgɛ wota foninsereyɛ ma. Wo le di n ye,

1 Tɛsalonaika 2:11

Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

1 Tɛsalonaika 2:8

Nba, ka a tɛgɛ mala keninteyɛla ko ma wole ye, ma rabɛnnɛ ka Allala kibara-nyimɛ lake wo ma hali ka ma nyɛrɛ niyi fanan sa wo kuma. Wo diyara ma ye kati!