2 Kɔrɛnti 11:27 - ALLALA KUMƐ

²⁷ N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 11:27 ပူးပေါင်းရင်းမြစ်များ

Yɛrɛmaya 38:9

“N tigi, mɔgɛnu bara min ma, wo ma telen. Anu bara Yɛrɛmaya layigi kɔlɔn rɔ min kɛ, fɔ a wa faga nyɔ bawo dɔn-fen sa soe burɔ.”

Matiyu 17:21

Kɔnɔ ko-sufa kɛ ti ke mala fɔ Alla matarɛ anubɛ sun-don fɛ.”]

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 6:5

Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.

Filipai 4:12

N ya bolo-kolonyɛ lɔn. N ya nɔnfulu-tigiyɛ lɔn. N bara hɛnkili sɔrɔn ko kelen de ma, n fanɛ wo, n kɔnkɔtoe wo, wo ni n wasa. Fen siyaman bi n bolo wo, ni doni dɔrɔn de n bolo wo, fɔ wo ni n wasa. N ni a ma wo nya kan tinɛ bɛɛ anubɛ wati bɛɛ.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

2 Tɛsalonaika 3:8

Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

Hiburunu 11:37

Anu ya donu mabon kuri la ha anu fagara. Anu ya donu kundu bɔ sɛrɛ la. Anu ya donu faga faan la. Donuna bolo-kolonyɛ ya a ma, anu bi saga-gbolenu anubɛ baa-gbolenu denu donna ka anu bɛnsɛnkɔninya. Mɔgɛnu ya anu bira boloko-yogomɛ-kɛ.