2 Kɔrɛnti 11:23 - ALLALA KUMƐ

²³ Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 11:23 ပူးပေါင်းရင်းမြစ်များ

Yɛrɛmaya 36:5

Wo kɔma, n ya a fɔ ale Baruki ye ko, “Anu sa sɔnna ko n ni ta Mari Bato-Bɔn la tun.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 20:23

N ba ta soe bɛɛ rɔ, Allata Ni-Sɛnimɛ ye n nalɔnna ko yelela-don anubɛ tɔrɔyɛ ye n makɔnɔna Yerusalɛm.

Kɛwɔlɛnu 21:11

A ya Pɔlila butɛ-kiri-fan bi ka a nyɛrɛ kiannu anubɛ a bolenu kiri wo la. A ko, “Allata Ni-Sɛnimɛ le ya a fɔ n ye ko Yahudiyanuna kun-tigi donu si butɛ-kiri-fan kɛ tigi kiri ka le. Anu si wo ma Yerusalɛm soe burɔ ka a don sibolo-gbɛrɛnu bolo.”

Kɛwɔlɛnu 25:14

Anu mɛ nyɔ doni, Mansa Fɛsitasi ya Pɔli wara-koe rakaran Mansa Agaripa ye. A ko, “Mansa Filikisi ya mɔgɛ do to yele la n bolo.

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 28:16

Ma kera Romu tumɛ min, anu sɔnta ko Pɔli ni to a nyɛrɛ ma bɔn do la. Kɛlɛ-dan do sɔnɛ a dafɛ.

Kɛwɔlɛnu 28:30

Pɔli ya san fila kɛ nyɔ. A ye bɔn sarala. Min bɛɛ nara ke a ma, a ya wonu tabira.

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

Romu 8:36

Iko a sɛbɛnɛ Allala kitabu rɔ nya min ko, “Nta Alla, ma ye saya-masibɛ rɔ ila ko la tuma-wo-tuma. Anu bi ma bira boloko-yogomɛ-kɛla iko saga kan-natɛgɛtɛ.”

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 3:5

Nfen bi a mala, mabɛ Apalasi kolo wo yala? Allala wɔli-kɛlɛ le male la dɔrɔn. Wo dɛnkɛninyara Yisa ma tumɛ min, ma ya wo dɛnbɛ. Mari ya wɔlɛ min di ma kelen-kelennamɛ-bɛɛ ma, ma ye wɔlɛ wo le kɛ tinɛ tolon!

1 Kɔrɛnti 4:1

Wo ni male lɔn Kirasitita wɔli-kɛla-gbansan la Allala gbundu-koe kerifanɛ minnu na,

1 Kɔrɛnti 4:11

ado ha ka, kɔnkɛ ye ma la, ma kan lagbalanɛ fanan. Kura-korenu bi ma ma. Mɔgɛnu bi ma dɛnu tatiila. Ma ye yilan-yilanna tolon!

1 Kɔrɛnti 4:9

ado nde yala, Alla ara sɔ-tina-dɔgɔmanɛ di male kilayɛnu ma iko mɔgɔ min fisa ka faga. Male manyimanɛ duninya mumɛ bɛɛ yala, a melika wo, a mɔgɔni-gbu wo.

2 Kɔrɛnti 10:7

Wo ni koe kɛnu mafɛlɛn a kila-bɛrɛbɛrɛ fɛ. Wo mirinɛ ko Kirasititɛ le wole la, nyɛ? Nba, wo hɛnkili ni to kɛ fanan ko ko Kirasitita mɔgɛ le male fanan na iko wo ye nya min.

2 Kɔrɛnti 11:5

N mirini ma ko nde dɔgɔ ka tenbi wola kilaya-makawanɛ wonu na hali doni!

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 4:11

Ma ye saya-masibɛ kɔrɔ Yisala ko la tuma-wo-tuma alako ata niyi ni yen ma bagbu-fagatɛ kɛnu tɔ.

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.

Kalesiya 6:17

A laban, bosa-pɛrɛ minnu bi n fɛrɛ ma, wonu bi a yirala ko Yisala yɔɔn le nde la. Woletɔ mɔgɔ-wo-mɔgɔ kana n tɔrɔ tun.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

Filipai 1:13

Mansa-kandannɛnu anubɛ yan-mɔgɛ bɛɛ ara a lɔn ko n bi birɛ rɔ ka a tɛgɛ Kirasiti wara-koe ma.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

1 Tɛsalonaika 3:2

ka ma na-kelen-nyɔgɛ Timoti lata wo ma. Mabɛ ale ye wɔlila ma nyɔgɔn fɛ Alla ye ka Kirasitita kibara-nyimɛ-kawandilɛ bɔ. Ma ya Timoti lata wo ma alako wo ni wo sɛbɛ don wola dɛnkɛninyɛ ma.

1 Timoti 4:6

Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

2 Timoti 1:16

Alamɛ Mari kinikinita Onɛsiforala denbayɛ ma bawo a ya n sɛnbɛ don tuma siyaman. A ma miliya ko n bi yele la min kɛ.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,

Failiman 1:9

Kɔnɔ hali wo, keninteyɛ ye a mala, n bi i madiyala. Hali n bi yele la Yisa Kirasitila ko la, nde, kɛmɔgɛ Pɔli, n bi i madiyala.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!