2 Kɔrɛnti 11:15 - ALLALA KUMƐ

¹⁵ Wo kana kawa ni Setanɛta wɔli-kɛlɛnu ya anu nyɛrɛ ma iko Allala wɔli kɛla bɛrɛnu. Anuta wati wa ban duninya kɛ rɔ, anu ya min ma, anu si wo sarɛ sɔrɔn, yɔ!

2 Kɔrɛnti 11:15 ပူးပေါင်းရင်းမြစ်များ

2 Mansɛnu 5:13

Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

Romu 3:8

Ni tonyɛ le wo la, fɔ ma wa ko-yogomɛ kɛ alako ko-nyimɛ ni bɔ gbɛ rɔ. Minnu bi wo fɔla, a bɛnta, wonu ni yiliki sɔrɔn, ado mɔgɛ donu bi a fɔla ko nde, Pɔli fanan bi kɛ le fɔla serr!

1 Kɔrɛnti 9:11

Male ara Allata sugi fui wo tɛma. Ni ma ya ma balu tɛgɛ wo tɛma, ko-yogomɛ le wo la, wa?

2 Kɔrɛnti 11:13

Kilayɛ wonu, kilaya-bɛrɛ ma anu na kɔnɔ anu bi anu nyɛrɛ mala iko Kirasitita kilayɛnu denu bi anu na serr! Foninya-kilayɛ le anu na minnu bi foninyɛ fɔla anuna wɔlɛla ko la.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 3:9

Mɔgɛnu yilikira tɔn min fɛ, wo gbiliyanɛ mɔgɛnu yala. Kɔnɔ ma ara telen Alla yala sarama-kan-kurɛ min fɛ, wota gbiliyɛ tenbira doi wo la pon!

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 13:2

N ya sogo-feremɛ min yen wo la, a manɛ iko kuli. A kiannu mani de iko suluku-kinama-wɛtɛ. A dɛ mani de iko yarɛ-dɛ. Ninkinankɛ le ya a nyɛrɛta sɛnbɛ di sogo-feremɛ wo ma anubɛ ata mansayɛ anubɛ ata sarati-wɛ.

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”