2 Kɔrɛnti 1:8 - ALLALA KUMƐ

⁸ Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

2 Kɔrɛnti 1:8 ပူးပေါင်းရင်းမြစ်များ

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 19:41

A banta kɛ fɔla tumɛ min, a ya nyama lasɛgi.

Kɛwɔlɛnu 2:9

Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

1 Kɔrɛnti 15:32

Ni n ya mɔgɛnu kɛlɛ Ɛfɛsa soe burɔ minnu manɛ iko “firarɔ-sogenu,” wo si nfen nyinya n ma? Ni Alla ti furinu nawuli, iko anu bi a fɔla nya min, “A fisa, ma ni fen-dɔn kɛ ka ma min ka ma nyɛrɛ ladiya bawo ma ye nala fagala le sina.”

1 Kɔrɛnti 16:9

bawo fɛrɛ ye n bolo yan serr, ka wɔli-nyimɛ kɛ, ado mɔgɔ siyaman nawulinɛ n kan ma.

1 Kɔrɛnti 4:8

Wole miri ko wo makoe ye fan min bɛɛ la, wo ara ban wonu sɔrɔnna? Wo ara ban mala nɔnfulu-tiginu na, wa? Ma sa wo dafɛ tumɛ min, wo ara wo nyɛrɛ ma iko mansɛnu. Kɔnɔ alamɛ wo mara mansɛnu na nun alako male fanan ni mansayɛ kɛ wo fɛ,

2 Kɔrɛnti 1:9

Ma ya ma miri ko sayɛ la ara tɛgɛ ma ma. Kɔnɔ wo mara alako ma kana la ma nyɛrɛ la fɔ Alla min bi furinu nawulila.

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.

1 Samuwɛli 20:3

Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”