2 Kɔrɛnti 1:21 - ALLALA KUMƐ

²¹ Wo ni wo yili to kɛ ko. Alla nyɛrɛ ara malebɛ wole sɔ Kirasiti rɔ gben! Alla nyɛrɛ le ya ma ma ata mɔgɔ yabɔnɛnu na.

2 Kɔrɛnti 1:21 ပူးပေါင်းရင်းမြစ်များ

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 87:5

Mɔgɛnu si to a fɔla Yerusalɛm ma ko, “Sibole bɛɛ ara ma Yerusalɛm kɛ la, ado Mari Sɛnbɛ-Bɛɛ-Tigi si nyɔ-wara-koe lasabati.”

Yaburi 89:4

mansayɛ ti bɔ ala bɔn la. Mansayɛ si to ala bɔn la burubukai!

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Aiseya 62:7

Wonu kana sɔn, Mari ni a niyi madɛn doni bɛrɛn ha a ni ban Yerusalɛm sɔ-kurɛ kɛla, ado a si a ma, duninya mumɛ bɛɛ si to soe wo matɔgɔla.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Saraka-Masɔlɛnuta Tɔnnu 7:35

“A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Habakuku 2:12

Wole karagbɛlɛnu, wo si wota nondɔn sɔrɔn de serr! Wo ara tɔn-tinyɛ ma so-datɛgɛ-fan la ka mɔgɔ-fagɛ ma a tarɛ la.

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

2 Kɔrɛnti 5:5

Alla ara ma rabɛn mayɛlɛma-koe kɛ la. A ara ala Ni-Sɛnimɛ di ma ma alako ma ni a lɔn bɛrɛbɛrɛ-wɛ-kɛ ko a ara fan kɛnu bɛɛ rabɛn malela ko la.

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

1 Tɛsalonaika 3:13

Alamɛ wo yisi ragbɛlɛyara alako ma Mari Yisa anubɛ ata mɔgɔ-sɛnimɛnu ba na tumɛ min, wo sɛninyanɛ ni taran ma Fa Alla yala.

2 Tɛsalonaika 2:17

Mari ni yisi-kimɛ di wo ma ka wo sɛnbɛ don alako wo ye min kɛla wo, wo ye min fɔla wo, min bɛɛ kin, wo ni wonu kɛ.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

2 Tɛsalonaika 3:3

Wo si ke lala Mari la ko a si wo sɛnbɛ don ka wo tanka Setanɛ ma.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

Lankɛnimayɛ 1:6

A ya ma ma saraka-masɔlɛnu na alako ma ni ma sibolo kelen na ka wɔlɛ kɛ a Fa Alla ye. Alamɛ gbiliyɛ anubɛ sɛnbɛ dira Yisa, Allata-Mɔgɔ-Yabɔnɛ ma habadan! Amina.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.