2 Ko-Kɔrɔta-Karan 9:6 - ALLALA KUMƐ

⁶ Ni n ma na kɛnu tayen n yɛ la nun, n ti la a la. N bara minnu tayen kɛ la, wo kolo ka tenbi min takaranta n ye pirr! Anu tara ita hɛnkilimayɛ rakaran n ye nya min, n bara na a rayen n yɛ la nya min kɛ la, kɛ tenbira a rakaran wo la.

2 Ko-Kɔrɔta-Karan 9:6 ပူးပေါင်းရင်းမြစ်များ

1 Mansɛnu 10:7

Ni n ma na a rayen n yɛ la nun, n ti la a la hali! N bara minnu tayen kɛ la, wo kolo ka tenbi min takaranta n ye pirr! Anu tara ita hɛnkilimayɛ anubɛ ita fen-tigiyɛ rakaran n ye nya min, n bara na a rayen n yɛ la nya min kɛ la, kɛ tenbira a rakaran wo la.

1 Mansɛnu 4:31

Hɛnkilimɛ minnu fanan tɔgɔ bɔra, ale hɛnkili kolo wonutɛ ko, hali Itan min bɔra Ɛsara soe burɔ. Ale hɛnkili kolo Mɛholila dannutɛ ko, Himan anubɛ Kalikoli anubɛ Darada, kɔni. Ale Mansa Silamɛni tɔgɔ bɔra. A mankan sigira mɔgɛ bɛɛ ma minnu bi ala foolɛ rɔ.

1 Mansɛnu 4:34

Duninya-mansɛ bɛɛ ya ata mɔgɔ lata ka anu tole masɔ Mansa Silamɛnita hɛnkilimaya-kumɛnu na bawo anu bara Mansa Silamɛnita hɛnkilimayɛ mankan lamɔɛn.

2 Ko-Kɔrɔta-Karan 9:5

A ya a fɔ Mansa Silamɛni ye ko, “N bara ita hɛnkilimaya-koe min bɛɛsi lamɔɛn nta nyamanɛ rɔ nun, tonyɛ le wonu na.

2 Ko-Kɔrɔta-Karan 9:7

Ila mɔgɛnu anubɛ ila mɔgɔ-ba minnu siginɛ i dafɛ, anu bi anu diya. Anu tole masɔnɛ ita hɛnkilimayɛ kun-nadiyɛ la tele-wo-tele.

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!