2 Ko-Kɔrɔta-Karan 9:4 - ALLALA KUMƐ

⁴ Mansɛ ye dɔn-fan sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya ale mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

2 Ko-Kɔrɔta-Karan 9:4 ပူးပေါင်းရင်းမြစ်များ

1 Mansɛnu 10:5

Mansɛ ye dɔn-fen-sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

1 Mansɛnu 5:2

Wonu ke Mansa Silamɛni ma, mansɛ ya kilayɛ lata Hairam ma. A ko,

1 Mansɛnu 5:3

“I ya a lɔn ka a tɛgɛ kɛlɛ-nyagbɛ ma, n fa Dawuda ma fɛrɛ sɔrɔn ka bɔn sɔ ata Mari Alla ye. Ha Alla ara a yoge bɛɛsi nɔ, a ma ke Mari Bato-Bɔn sɔla.

2 Mansɛnu 16:18

Ale mansɛ ya ala waganɛ wo sɔ tinɛ labɔ Bato-Bɔn kata kɔma. Ale mansɛ si tenbi kan min ka don Mari Bato-Bɔn kata burɔ, a ya nyɔ lafaga. A ya wo bɛɛ ma alako a ni Asiriya Mansa Pulu hɛnɛ.

1 Ko-Kɔrɔta-Karan 9:18

Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 9:3

Siba musu-mansɛ wo ya a tole masɔ Mansa Silamɛnina hɛnkilimaya-kumɛnu na. Wo kɔma, musu-mansɛ wo tara Mansa Silamɛnina bolon-sɔnɛ mafɛlɛn.

2 Ko-Kɔrɔta-Karan 9:5

A ya a fɔ Mansa Silamɛni ye ko, “N bara ita hɛnkilimaya-koe min bɛɛsi lamɔɛn nta nyamanɛ rɔ nun, tonyɛ le wonu na.

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Yaburi 119:81

Mari, n tafaganɛ ye i makɔnɔna n nakanan-koe rɔ kɔnɔ hali wo, n lara ita kumɛ la.

Yaburi 143:7

E, Mari, n denkun tiriya bawo n yigi ara tɛgɛ. I kana i dogon n kɔrɔ. Ni i ya wo ma, n si taran mɔgɔ-faganɛnu tɛma lakira.

Hɛnkilimaya-Kumɛnu 9:5

Wo na fen-dɔn-tinɛ ka wo min.

Keninteya-Siginu 5:8

Wole Yerusalɛm musinu, wo ni lanyiri kiri n ye ni wo ya n keninte yen, ni wo ti a fɔ a ye ko ala keninteyɛ min bi n tɔ, wo ara n ma kuluba!

Isikiyɛli 44:3

Kɔnɔ dɛ latogonni kɔmɛ, n si mansɛ do sigi anu kun na min si dɔn-fen-sɛnimɛnu dɔn n yala nyɔ. A si don-ni-bɔ kila-kunna-konko la min bi tenbi-bolɔn wo burɔ.”

Isikiyɛli 46:2

Mansɛ si ta kata burɔ ka ta a sɔ luyima-tenbi-bolɔn dandan-kɔrɔ sɛnbɛrɛn-kɔn fɛ. Saraka-masɔlɛnu tenbi saraka-mintantɛnu anubɛ yisi-kima-saraka-bɔɛ kun na, a sɔnɛ nyɔ. Ale ye batoli kɛla don-dɛ la nyɔ le, yanni a ni bɔ. Anu ti don-dɛ wo latogon fɔɔ wurɛ la.

Daniyɛli 10:17

N manɛ iko yɔɔn min sɔnɛ a tigi yarɔ. N si ke kumala i ye kama? Sɛnbɛ sa n na. N ni-lafɛ-kan ti ke a nyɔgɔn ma kilan bolo.”

Matiyu 6:29

Kɔnɔ n bi a fɔla wo ye ko, hali Silamɛni min mara bana la nun, a makiri-nya ma ke kɔn-fere kɛ kelen tɔ.

Luka 12:37

Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.