2 Ko-Kɔrɔta-Karan 9:24 - ALLALA KUMƐ

²⁴ San-bo-san, min ba wuli tala bɔla a wara, wo si a sanba. Donu si na sɛnɛ la, donu si na wodi-gbɛ la, donu fanan si na duruku-ba la, donu si na kɛlɛ-kɛ-fan la, donu si na kɛnɛ la, donu si na soeenu na, donu si na sofɛlɛnu na anu bolo.

2 Ko-Kɔrɔta-Karan 9:24 ပူးပေါင်းရင်းမြစ်များ

1 Mansɛnu 10:10

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfuli siyaman na. Wo kɔma, a ya sɛnɛ min di a ma, wo gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɛ la tun.

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

1 Mansɛnu 9:14

Mansa Hairam ya sɛnɛ min nata Mansa Silamɛni ma nun, wonubɛ fui-fan bɔrɔ bi-wɔrɛla gbiliyɛ rakɛn de!

2 Ko-Kɔrɔta-Karan 17:11

ado Filisiti donu nara wodi-gbɛ anubɛ fen-koloma-siyaman na a ye. Arabu donu nara saga waga wɔrɔnfila ani saga kɛmɛ wɔrɔnfila (7,700) la anubɛ baa waga wɔrɔnfila ani baa kɛmɛ wɔrɔnfila (7,700) la ka wonu di ale mansɛ ma.

2 Ko-Kɔrɔta-Karan 9:23

Alla ya hɛnkilimaya-kumɛ min di Mansa Silamɛni ma, a sɔgɛ ya duninya-mansɛnu bira ka ta anu tole masɔ wo la.

2 Ko-Kɔrɔta-Karan 9:9

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfulinu na. Wo kɔma, a ya sɛnɛ min di a ma, wola gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɔn na bɛ.

Yobu 42:11

Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Yaburi 68:30

I ni Iyipiti makuma min nyɛɛnɛ iko yi-mɛlɛ tenbi sɔnfɔn-kurinu tɛma. I ni sibole doinu makuma minnu nyɛɛnɛ iko turɛnu bi mɔgɛnu tɛma nya min. Anu makuma ha anu ni anu sa i kɔrɔ ka wodi-gbɛ ma anu madiyali-kɛ-fan la. Kɛlɛ di minnu ye, i ni wonu tanyɛnsɛn.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Kɛlɛ-Kurugbɛnu 3:15

Isirɛla mɔgɛnu dira Mari dala tun. Mari ya kɛlɛ-kurugbɛ do yabɔ anu ye tun alako wo ni anu kumafunfan. A ya Kɛrala den Ehudi yabɔ ka bɔ Bɛnyamɛ bɔnsɔn rɔ. Bolo-maranna-wɔli-kɛlɛ le ale Ehudi la. Ehudi ya solomuri ladan a nyɛrɛ ye. Wola yanyɛ nunkan-nya kelen. A ya wo kiri ala kurusi kɔrɔ a bolo-nyimɛ rɔ. Isirɛla mɔgɛnu ya Mansa Ɛkilɔn sanbɛnu don ale Ehudi bolo.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.