2 Ko-Kɔrɔta-Karan 9:1 - ALLALA KUMƐ

¹ Mansa Silamɛni ya hɛnkili sɔrɔn nya min Mari bolo, Siba musu-mansɛ ya ala hɛnkilimayɛ wo mankan lamɔɛn. Wo le ya a ma, ale nara mansɛ hɛnkili kɔrɔbɔ tinɛ. A nara a gba-fɛ-bilala-siyaman na. Wo kɔma, a ya kɛnɛ-dunɛnu anubɛ sɛnɛ-dunɛnu anubɛ dugu-kɔrɔ-nɔnfulu-siyaman dunɛnu kiri nyomɛnu kɔ tɛma. Ale musu-mansɛ ya Mansa Silamɛni taran min kɛ Yerusalɛm soe burɔ, a ara a miri nyinikalɛ min bɛɛ ma, a ya ale mansɛ manyinika wonu na.

2 Ko-Kɔrɔta-Karan 9:1 ပူးပေါင်းရင်းမြစ်များ

Ko-Dabirɛnu 10:28

Obali wo, Abimayɛli wo, Siba wo,

Ko-Dabirɛnu 10:7

Hamala den Kusi wo ya den mɔgɔ loli sɔrɔn, Siba wo, Hafila wo, Sabata wo, Reyama wo, anubɛ Sabiteka. Kusila den Reyama wo ya den mɔgɔ fila sɔrɔn, Siba anubɛ Didan.

Ko-Dabirɛnu 25:3

Kɔnɔ ala dan Yokisan wo ya den mɔgɔ filɛ sɔrɔn, Siba anubɛ Didan. Didan fanan ya den mɔgɔ sawa sɔrɔn. Den mɔgɔ sawɛ wonu bɔnsɔn tɔgɛ le kɛnu na, Asurinu wo, Letusinu wo, anubɛ Luminu.

1 Mansɛnu 4:31

Hɛnkilimɛ minnu fanan tɔgɔ bɔra, ale hɛnkili kolo wonutɛ ko, hali Itan min bɔra Ɛsara soe burɔ. Ale hɛnkili kolo Mɛholila dannutɛ ko, Himan anubɛ Kalikoli anubɛ Darada, kɔni. Ale Mansa Silamɛni tɔgɔ bɔra. A mankan sigira mɔgɛ bɛɛ ma minnu bi ala foolɛ rɔ.

2 Ko-Kɔrɔta-Karan 1:1

Mansa Dawudala den Mansa Silamɛni kunta ala nyamanita-mɔgɛnu ma, ado ata Mari Allata duwɛ tora a fɛ ka ata sɛnbɛ makofu.

2 Ko-Kɔrɔta-Karan 1:12

n si a ma, i ni wonu sɔrɔn. Min sanɛ wo kuma, i si ma nɔnfulu-tigi la ka fen-kolomɛnu nadɛn bui! Ka tenbi wo la, i mankan si ta pon ka tenbi mansɛ bɛɛ la duninya rɔ. I nyɔgɔn mansa ma bɔ wɛ, ado i nyɔgɔn mansa ti taran tun.”

2 Ko-Kɔrɔta-Karan 9:2

Ala nyinikalɛ wo do-wo-do ma Mansa Silamɛni kɔndɔfili. A ya wo bɛɛ yabi a kilɛ fɛ.

2 Ko-Kɔrɔta-Karan 9:9

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfulinu na. Wo kɔma, a ya sɛnɛ min di a ma, wola gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɔn na bɛ.

Yaburi 142:2

N bi nna yasere-masɛ bɛɛ kɛla a ye. N bi nta tɔrɔyɛ rakaranna a ye.

Yaburi 49:4

N si wo karan hɛnkilimaya-kumɛnu na. N tenbi sɔrɔn fɔla, n bi a kɔrɛ rakaranna wo ye.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Yaburi 72:15

Alamɛ mansɛ siyi-fɛ yanyara! I ni a ma, anu ni sɛnɛ di a ma ka bɔ Arabu nyamanɛ rɔ. I ni a ma, anu ni to Alla matarala a ye tuma-wo-tuma. Alamɛ Allata duwɛ tora a kuma habadan!

Yaburi 78:2

N bi nala hɛnkilimaya-kumɛnu fɔla minnu bi ko-dogonni-kɔrɛnu takaranna wo ye.

Hɛnkilimaya-Kumɛnu 1:6

Woletɔ anu si ko-dogonnɛnu kɔrɛ lɔn ka sɔsɔlima-tilinu kɔrɛ yira hɛnkilimɛnu na.

Aiseya 60:6

Nyomɛnu ta si ka wola nyamanɛ rɔ baraki! Wonu si na ka bɔ Midiya anubɛ Ifa nyamanɛ rɔ. Mɔgɛnu si na i sanbala sɛnɛ anubɛ isɛnti la ka bɔ Siba nyamanɛ rɔ. Anu si to Mari-tanto-sigi sala.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 12:42

Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Matiyu 13:35

A ya wo ma alako nɛbi ya min fɔ, wo ni kanbali. A ko, “N tenbi kumala anu ye, n si tilinu sa. Kebi duninya danta, Alla ma koe minnu nabɔ gbɛ rɔ fɔlɔ-nun, n si wonu fɔ anu ye.”

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Luka 11:31

Kiti-tɛgɛ-lunyɛ, Dugula Musu-Mansɛ si a lasɔ ka bi-mɔgɛnu yiliki bawo a nara ka bɔ wula-yan la ka na a tole masɔ Mansa Silamɛnita hɛnkilimaya-karan la. Nba, n bi tonyɛ fɔla wo ye, mɔgɛ do ye yan min kolo Mansa Silamɛni ko pirr!

1 Samuwɛli 1:15

Hana ko, “N fa, n ma gbɛɛ min dɛɛ! N bi nna kɔndɔfili le fɔ tinɛ Mari ye bawo a ara gbɛlɛya n kuma.