2 Ko-Kɔrɔta-Karan 8:6 - ALLALA KUMƐ

⁶ Beyalati soe wo, ale mansɛ bolo-fannu namaranɛ soe minnu tɔ wo, ala kirindinu anubɛ ala soeenu namaranɛ soe minnu tɔ wo, a ya wonu sɔ-kurɛ-kɛ tun. Bɔn sɔ-koe-miriya min bɛɛ ye Mansa Silamɛni la nun, a ya wo bɛɛ ma Yerusalɛm soe burɔ anubɛ Lɛbanan nyamanɛ rɔ anubɛ a ya mansayɛ kɛ sigisɔn min bɛɛ kuma.

2 Ko-Kɔrɔta-Karan 8:6 ပူးပေါင်းရင်းမြစ်များ

1 Mansɛnu 10:26

Mansa Silamɛni ya kirindi min sɔrɔn, waga kelen, kɛmɛ nani (1,400). A ya kɛlɛ-kɛ-soee min nadɛn a nyɛrɛ ye, waga tan-ni-fila (12,000). A ya donu namara Yerusalɛm soe burɔ. A ya donu namara soe donu tɔ.

1 Mansɛnu 7:2

A ya bɔn fɔlɔtɛ min sɔ a nyɛrɛ ye, anu ya a tɔgɔ sa “Lɛbanan Gbɔngbɔn,” bawo a ya wo ladan kɔlɔmanu na minnu bɔra Lɛbanan nyamanɛ rɔ. Bɔn wo lɔngbɔn, nunkan-nya kɛmɛ, a kɔnɛ, nunkan-nya bi-loli, a sɔɛ, nunkan-nya bi-sawa. Sɛnbɛrɛn-kɔnnu sɔnɛ ye tala gbaranda nani-nani ma. Kundulasɛnu sanɛ sɛnbɛrɛn-kɔn wonu kuma tala. Anu ya fɛrɛn-hakikɛnu sa kundulasɛ wo bɛɛ kuma. A tɔnkɔn kelan, sɛnbɛrɛn-kɔn tan-ni-loli sɔnɛ fɛran wonu kuma. A tɔnkɔn doi, sɛnbɛrɛn-kɔn tan-ni-loli sɔnɛ fɛran wonu kuma. Sɛnbɛrɛn-kɔn tan-ni-loli sɔnɛ a tɛma fanan. Wo bɛɛ lakofunɛ sɛnbɛrɛn-kɔn bi-nani ani sɛnbɛrɛn-kɔn loli.

1 Mansɛnu 9:1

Mansa Silamɛni banta Mari Bato-Bɔn anubɛ a nyɛrɛta bolɔn sɔla tumɛ min anubɛ a miriya ye min bɛɛ ma,

2 Ko-Kɔrɔta-Karan 1:14

A ya kirindi waga kelen ani kɛmɛ nani (1,400) kundɛn anubɛ so waga tan-ni-fila (12,000) nyini fanan ala kɛlɛ-dannu ye. A ya donu namara Yerusalɛm soe burɔ. Wo kɔma, a ya donu nata soe doinu tɔ.

2 Ko-Kɔrɔta-Karan 17:12

Mansa Yɛhosafati sabatira bɛrɛkɛ! A ya tarɛ mini soe donu ma Yuda nyamanɛ rɔ ka kan-tina-latankanɛ donu sɔ

2 Ko-Kɔrɔta-Karan 8:4

Tama soe min bi wula-da-rakolɔn rɔ, a tara ka wo bi ka tarɛ mini wo ma. A si fannu namara soe minnu tɔ Hamati sigisɔn rɔ, a ya wonu sɔ-kurɛ-kɛ.

2 Ko-Kɔrɔta-Karan 8:5

Bɛti-Hɔrɔn min bi kɔnkɛ kuma wo, Bɛti-Hɔrɔn min bi kɔnkɛ kɔrɔ wo, ale mansɛ ya wonu sɔ-kurɛ-kɛ tun. Tarɛ mininɛ so filɛ wonu ma, ado tara-dɛ wonu tasɔgɔ-kɔnnu bi nyɔ.

2 Ko-Kɔrɔta-Karan 8:7

Mansa Silamɛni ya minnu sɔ wɔlɛ kɛ la, Kenan kegeyɛ le wonu na. Isirɛla mɔgɛnu nanɛ nyamanɛ wo rɔ, anu ma anu denu faga. Amoranu bi kɛnu denu tɛma. Hɛtinu fanan basannɛ anu na. Pɛrasanu anubɛ Yɛbusinu fanan kofunɛ anu ma. Ha bi, wonu donu bi yɔɔnyɛ rɔ Isirɛla mɔgɛnu bolo.

Makawandili Kumɛnu 2:4

N bara kabana-ko-siyaman kɛ. N ya bɔnnu sɔ n nyɛrɛ ye ka ki-fen-siyaman ki.

Keninteya-Siginu 4:8

N sisirɔ-musi, na, ma ni bɔ Lɛbanan kɔnkɛnu kɔrɔ yan. Ma ni bɔ Amana anubɛ Hɛrɔman kɔnkɛnu kɔrɔ yarɛnu anubɛ kulinu bi kan min.

Yasowa 19:44

Ɛlɛtɛki, Kibɛtɔn, Beyali-Ati,