2 Ko-Kɔrɔta-Karan 8:14 - ALLALA KUMƐ

¹⁴ A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

2 Ko-Kɔrɔta-Karan 8:14 ပူးပေါင်းရင်းမြစ်များ

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Ko-Kɔrɔta-Karan 16:37

Mansa Dawuda ya Esafi yabɔ anubɛ a ta-nyɔgɛ Lifayi bɔnsɔn-mɔgɛ donu alako wonu ni sɔ mɔgɛnu yakɔrɔ bato tinɛ tɔn-kenkirɛ wo siginɛ kan min. Anu si to wɔlɛ wo mala tuma-wo-tuma.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 23:1

Mansa Dawuda kɔrɔyara tumɛ min kɔbɔkɔbɔ, a ya ala den Silamɛni sigi mansayɛ la Isirɛla mɔgɛnu kun na.

1 Ko-Kɔrɔta-Karan 24:1

Anu ya Aruna kegeyɛnu tatala ka le. Ale Aruna ya den-kei mɔgɔ nani sɔrɔn, Nedabu wo, Abaihu wo, Ɛliyasa wo, anubɛ Itamarayi.

1 Ko-Kɔrɔta-Karan 24:3

Mansa Dawuda ya wɔlɛ tala Aruna kegeyɛnu na iko a bɛnta, anu ni wɔli nya min Bato-Bɔn la. Sedoki min bɔra Ɛliyasa kegeyɛ rɔ anubɛ Ahimɛlɛki min bɔra Itamarayi kegeyɛ rɔ, wonu denu ya Mansa Dawuda dɛnbɛ wɔlɛ talala saraka-masɔlɛnu na.

1 Ko-Kɔrɔta-Karan 25:1

Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

1 Ko-Kɔrɔta-Karan 26:1

Lifayi bɔnsɔn minnu bi Bato-Bɔn makandanna, wonu fanan talata iko anuta wɔlɛ ye nya min. Wonu tɔgɛ le kɛnu na, Kɔrila den Mɛsɛlɛmaya min benba tɔgɛ Esafi, Kora kebila-mɔgɛ do le ale la.

1 Ko-Kɔrɔta-Karan 28:19

Mansa Dawuda ya a fɔ ko, “Mari nyɛrɛ ya bɔn sɔ-bole yira n na nya min, n bara a sɛbɛ wo nya na le kɛ la.”

1 Ko-Kɔrɔta-Karan 9:17

Bato-Bɔn da-makandannɛ minnu sigira Yerusalɛm, wonu tɔgɛ le kɛnu na, Salumu wo, Akubu wo, Talamɔn wo, anubɛ Ahaiman. Anuna kun-tigi le anu na-kelen-nyɔgɛ Salumu kɛ la.

1 Ko-Kɔrɔta-Karan 9:24

Minnu bi dɛ wonu makandanna, anu si do sigi tele-bɔɛ wara la. Anu si do sigi tele-yigi wara la. Anu si do sigi kantɔ-wara la. Anu si do sigi dugula wara la. Makandannɛ kɛ bɛɛta kunyɛ ye nyɔ rɔ.

2 Ko-Kɔrɔta-Karan 23:19

Saraka-Masɔla Yɛhoyada ya da-makandannɛ donu to Mari Bato-Bɔn makandan tinɛ nyɔ alako mɔgɔ-sɛninyabɛlɛnu kana anu kunyɛ ladon Bato-Bɔn la.

2 Ko-Kɔrɔta-Karan 23:4

Nba, ma si min ma wona, n ni wo fɔ wo ye. Saraka-masɔlɛnu anubɛ Lifayi wonu ba ta anuna wɔli-kɛ-tinɛ Sulen-Tele ma, anu ni anu tatala kurun sawa la. Kurun kelan si Bato-Bɔn don-dɛ makandan.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

2 Ko-Kɔrɔta-Karan 35:10

Anu ban ko-nya bɛɛ rabɛnna, Lifayinu anubɛ saraka-masɔlɛnu ya anuna sɔ tinɛnu bi iko mansɛ ya a fɔ anu ye nya min.

2 Ko-Kɔrɔta-Karan 35:15

Fɔli-kɛlɛ minnu bɔra Esafi kebilɛ rɔ, wonu ya anuta sɔ tinɛnu bi iko Mansa Dawuda ya a fɔ anu ye nya min nun, Esafi anubɛ Himan anubɛ Yɛdutun, kɔni.

2 Ko-Kɔrɔta-Karan 35:4

Bɛɛ ni ta ata sɔ tinɛ bi iko Mansa Dawuda anubɛ Mansa Silamɛni ya a tala nya min Lifayinu tɛma.

2 Ko-Kɔrɔta-Karan 5:11

Saraka-masɔlɛ min bɛɛsi bɛnta wo rɔ, a bɔra kebila-wo-kebila rɔ, wonu ya anu nyɛrɛ dantɛgɛ Mari ma. Esafi wo, Himan wo, Yɛdutun wo, anubɛ anu kebilɛnu, Lifayi fɔli-kɛlɛ le kɛnu na. Wonu ya linɛn-kura-hakikɛnu don anu kan na. Anu sɔra anu sansan-yili ma saraka-mintan-tinɛ tele-bɔɛ wara la karanya anubɛ sɔrɔnnu anubɛ seremanu bi anu bolo. Min sanɛ wo kuma, saraka-masɔla mɔgɔ kɛmɛ ani mɔgɔ mogan (120) bi buri fɛla anu fɛ. A fɔli-kɛla wo, a buru-fɛla wo, a sigi-sala wo, wo bɛɛ tara anu nyɔgɔn fɛ a kin na! Anu bi Mari tanto sigi sala ko, “Mari ni tanto bawo a kin. Ala keninteyɛ ti ban habadan!” Saraka-masɔlɛ wonu bi anu kunyɛ labɔla nyɔ rɔ kawo, Marita wan-belebele ya waan raka Bato-Bɔn wo burɔ ka bɔ Marita banda-fin-gbɛ rɔ waran! Anu ma ke batoe wo labanna.

2 Ko-Kɔrɔta-Karan 8:15

Mansa Dawuda ya koe min bɛɛsi fɔ saraka-masɔlɛnu anubɛ Lifayinu ye katarala fen-namara-bɔnnu ma, anu ya wo bɛɛ ma a kilɛ fɛ.

Ɛsira 6:18

Anu ya saraka-masɔlɛ anubɛ Lifayi bɛɛta wɔlɛ don a bolo Bato-Bɔn la Yerusalɛm soe burɔ iko a sɛbɛnɛ Nɛbi Musata buku rɔ nya min.

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:25

Matanaya wo, Bakibukiya wo, Hɔbadaya wo, Mɛsulam wo, Talamɔn anubɛ Akubu, Bato-Bon-fen-namara-tinɛ da-makandannɛ le kɛnu na.

Nihɛmaya 12:36

Sakaraya na-kelen-nyɔgɛ minnu bilara a fɛ, wonu tɔgɛ le kɛnu na. Sɛmaya wo, Asarɛli wo, Melalayi wo, Kelalayi wo, Meyeyi wo, Natanɛli wo, Yuda anubɛ Hanani. Wonu bi tala fɔli-fen-su bɛɛ fɔla anu bolo Mansa Dawuda ya tolɔn kɛ min sufa la. Saraka-Masɔla Ɛsira min bi kɛdi-sɛbɛlayɛ la, wo sɔnɛ anu yarɔ.

Luka 1:5

Kɛ bɛɛ dabirara wo tumɛ Hɛrodi ye mansayɛ la Yudiya nyamanɛ rɔ. Saraka-masɔlɛ do ye nyɔ, a tɔgɛ Sakaraya min bɔra Saraka-Masɔla Abaya bɔnsɔn rɔ. Ala musi tɔgɛ le Ilisabɛti. Wo fanan bɔra Saraka-Masɔla Aruna bɔnsɔn rɔ.

Luka 1:8

Lunyɛ do, Sakarayata saraka-masɔ-nyɔgɛnu bi anuta wɔli kɛla Alla ye Bato-Bɔn la.

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.