2 Ko-Kɔrɔta-Karan 8:11 - ALLALA KUMƐ

¹¹ Mansa Silamɛni ya Iyipiti mansɛla dunmusi min furu nun, a ya wo bɔ a fa Mansa Dawudata luyi ma ka wo lata a halala-bɔn la, a ya min sɔ ala musi wo ye. A ya a fɔ ko, “A ma bɛn, musi kɛ ni to Isirɛlata Mansa Dawudata luyi ma bawo ni tɔn-kenkirɛ ye kan min nun, nyɔ sɛninyani de!”

2 Ko-Kɔrɔta-Karan 8:11 ပူးပေါင်းရင်းမြစ်များ

1 Mansɛnu 3:1

Furu-nyɔgɔnyɛ donta Mansa Silamɛni anubɛ Iyipiti mansɛ tɛma alako ka anu tɛmɛ lakandan. Mansa Silamɛni nara Iyipiti mansɛla dunmusi wo la a fa Dawudala luyi ma. Dunmusi wo tora nyɔ ha Mansa Silamɛni ya ata luyi labɔ. A ya ata mansaya-bɔn sɔ anubɛ Mari Bato-Bɔn anubɛ tarɛ min mininɛ Yerusalɛm soe ma.

1 Mansɛnu 7:8

Anu ya wo sufa bɔn sɔ Mansa Silamɛni ye kiti fɔ tinɛ wo kɔma. Mansɛ ya Iyipiti mansɛla dunmusi min furu, a ya a halala-bɔn kɛ sufa sɔ wo ye fanan.

1 Mansɛnu 9:24

Iyipiti mansɛla dunmusi yirindira Mansa Dawudala luyi ma ka ta a halala-bɔn la ala kei Mansa Silamɛni ya min sɔ a ye. Wo kɔma, Mansa Silamɛni ya lɛnbɛn-lɛnbɛnya-rasiginɛ rakɛ Yerusalɛm soe tele-bɔɛ wara la.

2 Ko-Kɔrɔta-Karan 8:10

Mɔgɔ-ba kɛmɛ fila ani mɔgɔ bi-loli (250), wonu denu bi Mansa Silamɛnina wɔli-kɛlɛ kɛnu kun na.

Bɔ-Koe-Iyipiti 29:43

Wole Isirɛla mɔgɛnu si nna tamasere taran nyɔ. Nta wan-takɛ si nta bɔn wo sɛninya.

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Isikiyɛli 21:2

“Ile hadama-dan, i yɛ lata Yerusalɛm soe ma. Kuma anu ma anubɛ anuna batoli-tinɛ fanan ma. I ni Isirɛla mɔgɛnu makawandi

2 Pita 1:18

Ma sɔnɛ a dafɛ kɔnkɔ-sɛnimɛ wo kuma tumɛ min, male nyɛrɛ ya kuman-kan kɛ lamɔɛn ka bɔ Arinyɛni tɔ.