2 Ko-Kɔrɔta-Karan 7:9 - ALLALA KUMƐ

⁹ Anu ya tele wɔrɔnfila le bɔ saraka-mintan-tinɛ wo dantɛgɛ tinɛ Mari ma. Anu ya tele wɔrɔnfila le bɔ Lele-Sɔɛ-Ladɛn wara-koe la. Wo tele wɔrɔnfila nyɔgɛ ma, anu ya anuna batolɛ wo kundon.

2 Ko-Kɔrɔta-Karan 7:9 ပူးပေါင်းရင်းမြစ်များ

1 Mansɛnu 8:2

Ladɛn wo ye kela anuna san karɛ wɔrɔnfila nyɔgɛ le ma Mansa Silamɛni warɛ. Ladɛn wo bɛnta Lele-Sɔɛ-Ladɛn le ma.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Ko-Kɔrɔta-Karan 30:23

anu damasi ya a latɛgɛ ko anu ni a nyɔgɔ tele wɔrɔnfila sa ladɛn wo kuma. Anu sewara kosɛbɛ!

2 Ko-Kɔrɔta-Karan 7:10

A karɛ wɔrɔnfilɛ wo tele mogan-ni-sawa nyɔgɛ ma, Mansa Silamɛni ya nyama latenbi. Anu dama kɔntɔ-diyanɛ tara anu barɛnu tɔ kamasɔrɔn Mari Alla ara ata duwɛ min nayigi Mansa Dawuda anubɛ Mansa Silamɛni anubɛ Isirɛla mɔgɛ damasi ma.

Nihɛmaya 8:18

Ka a bi ladɛn wo tele fɔlɔtɛ ma, ha a tele laban, tele-wo-tele, anu si do karan Allata tɔn-buku wo rɔ. Tele wɔrɔnfila dɛgɛdɛgɛ, anu bi ladɛn wo kun na. A tele segin nyɔgɛ ma, anu ya ladɛn naban kɛ iko tɔn ya a fɔ nya min.

Bɔ-Koe-Iyipiti 29:37

Wo ni sarakɛ kɛnu bɔ tele wɔrɔnfila kɔrɔ iko n bara a fɔ wo ye nya min. Sarakɛ kɛnu si ma saraka-mintan-tinɛ sɛninya-fan la. Wonu si a ma, saraka-mintan-tinɛ ni sɛninya. Ni fenfen tugura saraka-mintan-tinɛ kɛ la, wo ara don nde, Alla bolo.

Yowɛli 1:14

Wo ni ladɛn kɛ Bato-Bɔn la. Bɛɛ ni sunyɛ don. Wo ni Yuda mɔgɔ-banu anubɛ a mɔgɛ bɛɛ kundɛn. Anu damasi la ni dɛn mata Mari Alla Bato-Bɔn la, anu si di a dala kan min.

Saraka-Masɔlɛnuta Tɔnnu 23:36

Mari ko ma ni mata dɔn-fan kɔ-fan di a ma tele wɔrɔnfilɛ kɛ tele kelen-kelan bɛɛsi ma.

Yilan-Yilan Koe 7:10

Anu ya saraka masɔ tinɛ dantɛgɛ Mari ma tele min nyɛrɛ rɔ, bɔnsɔn-kun-tigi wonu nara kɔ-fannu na saraka masɔ tinɛ yakɔrɔ.

Tɔn-Fɔɛ-Fila-Nyɔgɛ 16:8

Wo si to biredi-yɛlɛbɛlɛ wo dɔnna tele wɔrɔ kɔrɔ. A tele wɔrɔnfila nyɔgɛ wo ma, wo si wola wɔlɛnu boloka ka wo kundɛn Mari Alla bato tinɛ.”