2 Ko-Kɔrɔta-Karan 7:5 - ALLALA KUMƐ

⁵ Mansa Silamɛni ya ninki waga mogan-ni-fila (22,000) ma sarakɛ la. Wo kɔma, a ya saga waga kɛmɛ ani saga waga mogan (120,000) ma yisi-kima-sarakɛ la fanan. Ale mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

2 Ko-Kɔrɔta-Karan 7:5 ပူးပေါင်းရင်းမြစ်များ

1 Ko-Kɔrɔta-Karan 29:21

Wo banda kɛ, anu ya saraka-siyaman bɔ Mari ye. Wo kɔma, anu ya saraka-soge wo do di mɔgɛnu ma. Anu ya tura waga kelen bi anubɛ saga-yigi waga kelen anubɛ saga-den waga kelen. Anu ya kɛ dama ma saraka-mintantɛ la. Wo kɔma, anu ya nɔnbɔ-gbɔ-yinu ma kɔ-fan la.

2 Ko-Kɔrɔta-Karan 1:6

Anu ya kolo-fan waga kelen (1,000) mintan Bato-Bɔn yarɔ saraka-mintan-tinɛ ka Mari bato.

2 Ko-Kɔrɔta-Karan 15:11

Anu nara kolo-fan minnu na ka bɔ kɛlɛ rɔ, wo tele nyɛrɛ rɔ, anu ya sarakɛ wonu denu bɔ Mari ye. Anu ya ninki kɛmɛ wɔrɔnfila (700) anubɛ saga waga wɔrɔnfila (7,000) bɔ Mari ye.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 30:24

Mansa Hɛsakaya ya tura waga kelen (1,000) anubɛ saga waga wɔrɔnfila (7,000) labɔ ala nyamanita-mɔgɛnu ye. Ala mɔgɔ-banu ya tura waga kelen (1,000) anubɛ saga waga tan (10,000) sa mansatɛ wo kuma. Saraka-masɔla-wa-siyaman ya anu nyɛrɛ sɛninya iko tɔn ya a fɔ nya min.

2 Ko-Kɔrɔta-Karan 5:6

Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya ninki anubɛ sagɛ min nyɔgɔn ma sarakɛ la, anu ma wonu yatɛ lɔn bawo anu siya kati!

2 Ko-Kɔrɔta-Karan 7:4

Wo kɔma, Mansa Silamɛni anubɛ ala nyamanita-mɔgɛnu ya sarakɛnu bɔ Mari ye.

2 Ko-Kɔrɔta-Karan 7:6

Kan tinɛ minnu yiranɛ Lifayinu anubɛ saraka-masɔlɛnu na nun, anu ya anu sɔ wonu tɔ. Lifayinu yɛ lamununnɛ saraka-masɔlɛ wonu na. Anu bi Mari tantola fɔli-fan wonu na ale Mansa Dawuda ya minnu don anu bolo nun. Anu bi bɛti bɔla iko Mansa Dawuda ya anu nabila nya min, anu ko, “Marita keninteyɛ ti ban.” Saraka-masɔlɛnu bi buru-fɛyɛ wo kun na tumɛ min, Isirɛla mɔgɛnu sɔnɛ tora anu gbɛ rɔ yiri!

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Maika 6:7

Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”

Yilan-Yilan Koe 7:10

Anu ya saraka masɔ tinɛ dantɛgɛ Mari ma tele min nyɛrɛ rɔ, bɔnsɔn-kun-tigi wonu nara kɔ-fannu na saraka masɔ tinɛ yakɔrɔ.

Yɔni 10:22

Alla-Bato-Bɔn dantɛgɛ-tumɛ ma, wo ladiyɛ kɛra Yerusalɛm dafere-kima-wati le ma nun.