2 Ko-Kɔrɔta-Karan 7:17 - ALLALA KUMƐ

¹⁷ Ni ile ya nta kumɛ bira i bolo filɛ la iko i fa Dawuda ya a ma nya min, i ni to koenu mala iko n bi a fɔla i ye nya min.

2 Ko-Kɔrɔta-Karan 7:17 ပူးပေါင်းရင်းမြစ်များ

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

1 Mansɛnu 3:14

Ni i tagama-nya telenta n yala ka nta tɔnnu bira iko i fa Dawuda tagamanta nya min, n si siyi-yan di i ma.”

1 Mansɛnu 8:25

Nba, wola ko la, Isirɛlata Mari Alla, i ya ila lanyiri doi min kiri n fa Dawuda ye nun, i ni wo fanan natɔnbagaya. I ya a fɔ nun ko ni ala dannu tora ila kilɛ fɛ ka i sako kɛ iko ale n fa ya a ma nya min, mansayɛ si to a bɔnsɔn bolo Isirɛla mɔgɛnu tɛma habadan!

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 6:16

Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

2 Ko-Kɔrɔta-Karan 7:16

bawo n bara nyɔ yabɔ ka a ma kan-tina-dantɛgɛnɛ la. Mɔgɛnu si to n batola nyɔ burubukai!

2 Ko-Kɔrɔta-Karan 7:18

N bara lanyiri min kiri i fa ye, n si wo latɔnbagaya bawo n bara lanyiri kiri a ye nun ko ale bɔnsɔnnu si to mansayɛ kɛla Isirɛla nyamanɛ kun na.

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 119:5

N bara a latɛgɛ n yisi rɔ ko fɔ n ba ila labilalɛ bɛɛsi bira lanayɛ rɔ!

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Yɔni 14:21

Minnu ba nna kumɛ bira ka to a kɛla, n di wonu denu ye, ado wonu si diya n Fa Alla ye fanan. Anu si diya nde ye ka n nyɛrɛ yira anu na.”

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”