2 Ko-Kɔrɔta-Karan 6:6 - ALLALA KUMƐ

⁶ Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

2 Ko-Kɔrɔta-Karan 6:6 ပူးပေါင်းရင်းမြစ်များ

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

1 Ko-Kɔrɔta-Karan 17:5

Kebi n bɔra nta mɔgɛnu na Iyipiti tumɛ min, ha ka a sigi kaka la, ha bi, bato-bɔn ma sɔ wɛ nde ye n si sigi kan min. Nde duruta sigila fani-bɔn le la ka to yilan-yilanna Isirɛla mɔgɛnu fɛ.

1 Ko-Kɔrɔta-Karan 17:7

“Woletɔ a fɔ nna wɔli-kɛlɛ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la Isirɛla nyamanɛ mumɛ bɛɛ kun na.

1 Ko-Kɔrɔta-Karan 28:4

Isirɛlata Mari Alla, wo le ya Yuda bɔnsɔn yabɔ bɔnsɔn doinu tɛma. Wo kɔma, a ya n fala denbayɛ yabɔ Yuda bɔnsɔn-mɔgɛnu tɛma. Wo kɔma fanan, a ya nde, Dawuda yabɔ n fata denbayɛnu tɛma ka n ma mansɛ la Isirɛla mɔgɛnu kun na. A ya den-kei-siyaman di n ma. A ya Silamɛni yabɔ nna dan wonu tɛma ka wo ma mansɛ la Marita nyamanɛ kɛ kun na. Ale Mari le wara nde yabɔ ka mabɛ n kegeyɛnu ma mansɛ la wo kun na tɛban!

2 Ko-Kɔrɔta-Karan 12:13

Mansa Rihobowami ya mansayɛ kɛ ka bɔ Yerusalɛm soe burɔ, ado a ya ala mansayɛ lakanbali. A ya mansayɛ sɔrɔn a sɔrɔn-san bi-nani ani san kelen nyɔgɛ le ma. San tan-ni-wɔrɔnfila, a ye mansayɛ la. A ya mansayɛ kɛ ka bɔ Yerusalɛm soe burɔ Mari ya min yabɔ nun soenu tɛma Isirɛla nyamanɛ rɔ ala mɔgɛnu si ale Mari bato kan min. A na tɔgɛ le Neyama. Amon kɛ le wo la.

2 Ko-Kɔrɔta-Karan 20:8

Wonu siginɛ yan. Anu bara Bato-Bɔn sɔ ka to i gbiliyala.

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

2 Ko-Kɔrɔta-Karan 33:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko a kelen pe bato tinɛ le wo la.

2 Ko-Kɔrɔta-Karan 6:20

I wara kan tinɛ kɛ min yabɔ i bato-koela ko la, i yandi, Mari, i ni i fonde to bɔn kɛ ko su-ni-tele. Nba woletɔ, Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta mataralɛ la n bi min nakɛla i ma.

2 Ko-Kɔrɔta-Karan 6:5

kebi a nara ata mɔgɛnu na ka bɔ Iyipiti nyamanɛ rɔ, a ma so-wo-so yabɔ Isirɛla nyamanɛ rɔ anu si ata Bato-Bɔn sɔ kan min. Wo kɔma, a ma mɔgɔ-wo-mɔgɔ yabɔ min si to ata mɔgɛnu yarɔ.

2 Ko-Kɔrɔta-Karan 7:16

bawo n bara nyɔ yabɔ ka a ma kan-tina-dantɛgɛnɛ la. Mɔgɛnu si to n batola nyɔ burubukai!

Ɛsira 7:16

Min sanɛ wo kuma, i ni sɛnɛ anubɛ wodi-gbɛ makele mɔgɛnu bolo Babilɔn nyamanɛ bɛɛ rɔ. Wo kɔma, saraka-masɔlɛnu anubɛ Isirɛla mɔgɛnu ya hɛniki-sarakɛ minnu di Isirɛlata Alla Bato-Bɔnla ko la, i ni ta wonu na.

Yaburi 122:2

ado ma sɔnɛ Yerusalɛm tarɛ burɔ yan.

Yaburi 132:13

Mari ara Yerusalɛm soe yabɔ ko nyɔ ni ma a halalɛ la.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Sakaraya 3:2

Mari ya a fɔ ko, “Setanɛ, tonya sa i bolo. Yerusalɛm di nde, Mari ye. Yasowa kɛ ma ara tanka iko kɔlɔma anu bara min nabɔ tɛ rɔ.”

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”