2 Ko-Kɔrɔta-Karan 6:21 - ALLALA KUMƐ

²¹ Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ Arinyɛni tɔ ka ma makoto ma hakɛ la.

2 Ko-Kɔrɔta-Karan 6:21 ပူးပေါင်းရင်းမြစ်များ

2 Ko-Kɔrɔta-Karan 30:27

Saraka-masɔlɛnu anubɛ Lifayinu duwara mɔgɛnu ye Mari tɔgɛ rɔ. Anuna matarali-kan wo kera Mari ma a warɛ Arinyɛni tɔ.

2 Ko-Kɔrɔta-Karan 6:22

“Ni mɔgɛ do ya tɔgɛ layɛlɛ a ta-nyɔgɛ ma, tɔgɛ layɛlɛta min ma wo la, wo ni na a sɔ saraka-mintan-tinɛ kɛ yarɔ. Ni a ya a keli ka a fɔ ko a sɔn sa a rɔ,

Yaburi 123:1

E, Mari, n yɛ bɛnnɛ ile ma. N yɛ bɛnnɛ ile ma Arinyɛni tɔ, i ye mansayɛ la kan min.

Makawandili Kumɛnu 5:2

I miri yanni i ni kuma. Alla yili-madiya-kumɛ kana bɔ mɔgɔ da rɔ yona. Ale ye san-kole rɔ, male ye dugu-kole kuma, woletɔ i kana kuma-pɔrɔtɔ-paratɛ fɔ.

Aiseya 18:4

Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Daniyɛli 9:19

E, n tigi, i wɔlɔ matɔlɔ ma la. E, n tigi, ma makoto. E, n tigi, ma makoe kɛnu nyinya. I kana matanbani kɛ woletɔ mɔgɛ bɛɛ si a lɔn ko ile le Alla la, ado i ya a lɔn ko i tɔgɛ ye soe kɛ anubɛ ila mɔgɛnu kuma.”

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Matiyu 6:12

Ma ara bila i la minnu na, i ni ma makoto wonu na iko male bɛrɛn bi wonu makotola nya min, minnu bara bila ma la.

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.