2 Ko-Kɔrɔta-Karan 6:16 - ALLALA KUMƐ

¹⁶ Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

2 Ko-Kɔrɔta-Karan 6:16 ပူးပေါင်းရင်းမြစ်များ

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 6:12

“Ni wo ya nta tɔnnu anubɛ nta kumɛ bɛɛsi bira, n si lanyiri wo kanbali ile ye iko n ya a kiri i fa Dawuda ye nya min,

2 Ko-Kɔrɔta-Karan 13:5

Wole ma a lɔn ko Isirɛlata Mari Alla ara lanyiri kiri anubɛ Mansa Dawuda tɛma? Wo miriyanɛ ko wo ye tinyana le, wa? A ara a fɔ Mansa Dawuda ye nun ko a bɔnsɔn si to mansayɛ la Isirɛla nyamanɛ rɔ burubukai! Habadan-lanyiri le wo la min ti tinya mumɛ!

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

2 Ko-Kɔrɔta-Karan 23:3

Anu dama ke Yerusalɛm soe burɔ, anu tara ladɛn kɛ Bato-Bɔn burɔ. Mɔgɔ-ba wonubɛ mansɛla den Yohasi ya sarama-kan kiri anu nyɔgɔn tɛma. Yɛhoyada wo ya a fɔ mɔgɔ-ba wonu ye ko, “Mala mansɛ min tenbira, wo ma ala dan yen? Iko Mari ara Mansa Dawuda yili-madiya nya min nun ko a bɔnsɔn si to mala mansɛ la mala nyamanɛ kɛ rɔ, nba, dennɛ kɛ si ma mala mansɛ la.

2 Ko-Kɔrɔta-Karan 6:17

Woletɔ Isirɛlata Mari Alla, ila kumɛ bɛɛsi ni bɔ-a-la iko i ya a fɔ n fa Mansa Dawuda ye nya min nun.

2 Ko-Kɔrɔta-Karan 7:17

Ni ile ya nta kumɛ bira i bolo filɛ la iko i fa Dawuda ya a ma nya min, i ni to koenu mala iko n bi a fɔla i ye nya min.

2 Ko-Kɔrɔta-Karan 7:18

N bara lanyiri min kiri i fa ye, n si wo latɔnbagaya bawo n bara lanyiri kiri a ye nun ko ale bɔnsɔnnu si to mansayɛ kɛla Isirɛla nyamanɛ kun na.

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 119:9

Kemini-mɛsɛ si ke a nyɛrɛ lasɔlɔla kama? Fɔ ile Marita tɔn-birɛ fɛ!

Yaburi 132:11

Ile Mari ya lanyiri-gbɛlɛmɛ min kiri mansɛ ye nun, i ti wo dafabɛlɛ to tun. I ko i si ala dan do ma mansɛ la, min si to a gbɛ rɔ.

Yaburi 132:12

Ni ala dannu ya ila sarama-kan latɔnbagaya ka ila karan to a gbɛ rɔ, i ko mansayɛ ti bɔ anuna bɔn la mumɛ!

Yaburi 26:3

Ila keninteya-dannatɛgɛbɛlɛ le n kandannɛ la. Ila lanayɛ ye n yarɔ ka kilɛ yira n na.

Isikiyɛli 36:37

“Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.