2 Ko-Kɔrɔta-Karan 6:13 - ALLALA KUMƐ

¹³ (Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

2 Ko-Kɔrɔta-Karan 6:13 ပူးပေါင်းရင်းမြစ်များ

1 Mansɛnu 6:36

Anu ya sansan mini Bato-Bɔn wo ma. Anu ya kuru-lɛsɛnɛnu sigi a nyɔgɔn kuma sawa-sawayɛ ma. Anu tara fɛrannu sala wonu kuma.

1 Mansɛnu 7:12

Anu ya tarɛ mini mansɛla luyi ma. Anu ya kuru-lɛsɛnɛ wonu sigi tala anu nyɔgɔn kuma sawa-sawayɛ ma. Lɛbanan fɛrɛn-hakikɛnu sanɛ wonu kuma iko Bato-Bɔn sansantɛ manɛ nya min. Bato-Bɔn sansan anubɛ a dandan-kɔrɛ ladannɛ wo nya fanan.

1 Mansɛnu 8:54

Kɛ dama rɔ, Mansa Silamɛni nyɛnkinnɛ Marita saraka-mintan-tinɛ yakɔrɔ, a bole rasiginɛ san ma Alla ye. A banta mataralɛ kundonna tumɛ min, a ya a lakɔɛnma

2 Ko-Kɔrɔta-Karan 4:9

A ya kata-burɔtɛ ladan saraka-masɔlɛnu ye. Wo kɔma, a ya kata-kɔmatɛ fanan nadan. A ya kata-burɔ-kankannu nadan ka silɛɛ sa wonu ma.

2 Ko-Kɔrɔta-Karan 6:12

A ban wo fɔla, ale Mansa Silamɛni sɔra Marita saraka-mintan-tinɛ yarɔ Isirɛla mɔgɛ bɛɛ yakɔrɔ. A ya a bole sigi san ma.

Ɛsira 9:5

Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 8:4

Ɛsira sɔra bɛndɛ kuma. Wo ladanta wulɔn tele lela ko la. Mɔgɔ wɔrɛ minnu sɔra a bolo-nyimɛ wara la bɛndɛ wo kuma, wonu tɔgɛ le kɛnu na, Matetaya wo, Sɛma wo, Anaya wo, Yuraya wo, Helikaya wo, anubɛ Meyaseya. Mɔgɔ wɔrɔnfilɛ minnu sɔra a bolo-maran wara la bɛndɛ wo kuma, wonu fanan tɔgɛ le kɛnu na, Pɛdaya wo, Misiyɛli wo, Malakiya wo, Hasum wo, Hasibadena wo, Sakaraya wo, anubɛ Mɛsulam.

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Luka 22:41

Yisa ya a masɛgi anu na doni ka ta a dan na. A ya a nyɛnkin madiyali-kɛ-tinɛ.

Kɛwɔlɛnu 20:36

Pɔli banta kumala tumɛ min, a ya a nyɛnkin anu dama fɛ ka Alla matara.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.