2 Ko-Kɔrɔta-Karan 6:12 - ALLALA KUMƐ

¹² A ban wo fɔla, ale Mansa Silamɛni sɔra Marita saraka-mintan-tinɛ yarɔ Isirɛla mɔgɛ bɛɛ yakɔrɔ. A ya a bole sigi san ma.

2 Ko-Kɔrɔta-Karan 6:12 ပူးပေါင်းရင်းမြစ်များ

2 Mansɛnu 11:14

A ke nyɔ, a ya mansa-kurɛ sɔnɛ taran Bato-Bɔn don-dɛ sɛnbɛrɛn-kɔn fɛ iko anuna namu ye nya min. Mansa-kurɛ kɛ lafoonɛ kandali-kɛlɛnuna kun-tiginu bolo anubɛ buru-fɛlɛnu anubɛ mɔgɛnu. Anu damasi ye a lawɔyɔla sewɛ bolo. Anu bi burinu fanan fɛla. Ale Atalaya ya wo rayen min kɛ, a ya ala duruki rafara yisi-tinyɛ bolo. A ya a fɔ ko, “Anu bi nna bu-koe le tɔ kɛ la.”

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

2 Ko-Kɔrɔta-Karan 6:11

N bara kan tinɛ do rabɛn bɔn wo burɔ tɔn-kenkirɛ anubɛ kuru-walan filɛ wonu si to kan min. Wole Isirɛla mɔgɛnu bɔra Iyipiti nyamanɛ rɔ tumɛ min, a ya tɔn sɛbɛ kuru-walan minnu ma, wonu denu sanɛ kenkirɛ wo burɔ.”

2 Ko-Kɔrɔta-Karan 6:13

(Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

Yobu 11:13

Nba Yobu, ni i ya i nyɛrɛ latenbi Alla ma ka i bole rasagan Alla ye,

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 143:6

N bi n bole sigila i ye ka i madiya bawo i sɔgɛ ara n tabɔ kosɛbɛ, iko yi-sɔgɛ si dugu-ragbalanɛ bira nya min!

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Yaburi 63:4

Fananta n bi n niyi la, n bi i tantola dɛɛ! N si n bole sigi i ye madiyali-kɛ tinɛ.

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Bɔ-Koe-Iyipiti 9:33

Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.