2 Ko-Kɔrɔta-Karan 5:2 - ALLALA KUMƐ

² Wo kɔma, Mansa Silamɛni ya Isirɛla mɔgɛnuna kun-tigi damasi kundɛn kan-tina kelen Yerusalɛm soe burɔ. A bɔnsɔn-kun-tigi wo, a kebila-kun-tigi wo, a ya wo bɛɛsi kele. Mansɛ ya anu kele alako anu ni ta tɔn-kenkirɛ bi Mansa Dawudala luyi ma Yerusalɛm soe burɔ ka ta a to Mari Bato-Bɔn la.

2 Ko-Kɔrɔta-Karan 5:2 ပူးပေါင်းရင်းမြစ်များ

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

2 Samuwɛli 6:12

Mansa Dawuda ya a lamɔɛn tumɛ min ko Obɛdi-Idɔm anubɛ ala denbayɛ anubɛ a bolo-fan bɛɛ ara Marita duwɛ sɔrɔn ka a tɛgɛ tɔn-kenkirɛ wola sigi ma nyɔ, a tara kenkirɛ wo bi-tinɛ alako anu ni ta a la Yerusalɛm. Anu ya tolon-belebele kɛ a rɔ.

1 Ko-Kɔrɔta-Karan 15:1

Mansa Dawuda ya ata luyi datɛgɛ a nyɛrɛ ye Yerusalɛm soe burɔ. Wo kɔma, a ya kan tinɛ do rabɛn Allata tɔn-kenkirɛ ye ka fani-bɔn sɔ a ye.

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

1 Ko-Kɔrɔta-Karan 15:25

Mansa Dawuda anubɛ Isirɛla mɔgɔ-banu anubɛ ala kɛlɛ-den-kunyɛnu tara Obɛdi-Idɔmla bɔn la Marita tɔn-kenkirɛ bi tinɛ. Anu ya tolon-belebele kɛ a rɔ.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

1 Ko-Kɔrɔta-Karan 16:1

Mansa Dawuda ya fani-bɔn min sɔ tɔn-kenkirɛ wola ko la, anu tara kenkirɛ wo sigi bɔn wo la. Anu ban wo la, anu ya saraka-mintantɛ anubɛ yisi-kima-sarakɛnu bɔ Alla ye.

1 Ko-Kɔrɔta-Karan 24:31

Anu ya korɔn lakɛ anu nyɔgɔn tɛma alako ka wɔlɛ tala anu nyɔgɔn tɛma iko Aruna kegeyɛnu ya a ma nya min. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 24:6

Ɛliyasa kegeyɛ anubɛ Itamarayi kegeyɛ tora korɔn lakɛla anu nyɔgɔn tɛma. Anu ba min yabɔ Natanɛlila den Sɛmaya si wo tɔgɔ sɛbɛ bawo Lifayi bɔnsɔn-mɔgɛnuna kɛdi-sɛbɛlɛ le ale la. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 26:26

Mansa Dawuda anubɛ kebila-kunyɛnu ya fen-kolomɛ minnu dantɛgɛ Alla ma wo, kɛlɛ-kunyɛnu anubɛ bɔnsɔn-kunyɛnu ya fen-kolomɛ minnu dantɛgɛ Alla ma wo, Sɛlomiti kɛ anubɛ a kebilɛ le wonu namarala.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

2 Ko-Kɔrɔta-Karan 1:4

(Kɔnɔ tɔn-kenkirɛ nyɛrɛ ye Yerusalɛm soe le burɔ. Mansa Dawuda nara tɔn-kenkirɛ la tumɛ min ka bɔ Kiriyati Yirɔm soe burɔ, a ya fani-bɔn do ladan ala ko la nyɔ rɔ.)

2 Ko-Kɔrɔta-Karan 5:1

Mansa Silamɛni ban Mari Bato-Bɔn sɔla, a fa Mansa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, sɛnɛ-mirannu wo, wodi-gbɛ-mirannu wo, anubɛ fen-kolomɛnu. A ya wo bɛɛ sa fen namara tinɛnu tɔ Mari Bato-Bɔn la.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 87:2

Yerusalɛm di a ye ka tenbi kan tinɛ bɛɛ la Isirɛla nyamanɛ rɔ.

Saraka-Masɔlɛnuta Tɔnnu 9:5

Anu nara kɛ damasi la Marita Fani-Bɔn bolon dɛ la iko Musa ya a fɔ anu ye nya min. Isirɛla mɔgɛ bɛɛsi nara nyɔ rɔ ka anu sɔ Mari yakɔrɔ nyɔ.

Yilan-Yilan Koe 10:33

Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

Yilan-Yilan Koe 10:36

Anu ba ke anu daga-makɛ-tina-kurɛ rɔ tuma-wo-tuma, anu si Marita tɔn-kenkirɛ sigi. Wo kɔma, Musa si a fɔ kan-wɛ la tun ko, “E, Mari, na sigi male Isirɛla mɔgɔ waga siyaman tɛma tun.”