2 Ko-Kɔrɔta-Karan 4:18 - ALLALA KUMƐ

¹⁸ Mɔgɔ-wo-mɔgɔ ma silɛɛ wonu gbiliyɛ-yirika lɔn bawo anu ya miran-siyaman nadan ale le tɔ.

2 Ko-Kɔrɔta-Karan 4:18 ပူးပေါင်းရင်းမြစ်များ

1 Mansɛnu 7:47

Mansa Silamɛni ma miran wonu gbiliyɛ-yirika lɔn kamasɔrɔn anu siya. Woletɔ anu ma silɛɛ wo mumɛ gbiliyɛ-yirika lɔn.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

1 Ko-Kɔrɔta-Karan 22:3

A ya nɛgɛ-kundu-siyaman don donu bolo alako wonu ni lɔntuma anubɛ dɛ-bara-yilinu nadan. A ya silɛɛ min yirika don anu bolo, mɔgɔ-wo-mɔgɔ ma wo dan-natɛgɛ lɔn.

2 Ko-Kɔrɔta-Karan 4:17

A ya silɛɛ wo bɛɛ lalee sulubondɔn rɔ Yorodan-ba-lɛɛ rɔ Sukɔti soe anubɛ Sarati soe tɛma nun. A ya sila-laleenɛ wonu wuya dugi ma alako ka mirannu nadan wonu na. A ya miran kɛ bɛɛsi ladan nyɔ le.

Yɛrɛmaya 52:20

Mansa Silamɛni ya fan minnu nadan silɛɛ la wo, a sɛnbɛrɛn-kɔn filɛ wo, a yi-sigi-kenkirɛ wo, a yi-sigi-kunan wo, anubɛ kunan-wɛ wo siginɛ tura tan-ni-fila minnu kuma wo, wonu gbili ha mɔgɔ ti anuna gbiliyɛ dan lɔn.