2 Ko-Kɔrɔta-Karan 4:1 - ALLALA KUMƐ

¹ Ale Mansa Silamɛni ya saraka-mintan-tinɛ ladan silɛɛ la. Wo kɔnɛ nunkan-nya mogan, a lɔngbɔn nunkan-nya mogan, a sɔɛ nunkan-nya tan.

2 Ko-Kɔrɔta-Karan 4:1 ပူးပေါင်းရင်းမြစ်များ

1 Mansɛnu 8:22

A ban wo fɔla, ale Mansa Silamɛni sɔra Marita saraka-mintan-tinɛ yarɔ Isirɛla mɔgɛ bɛɛ yakɔrɔ. A ya a bole rasigi san ma.

1 Mansɛnu 8:64

Saraka mintan tinɛ min nadannɛ silɛɛ la, wo dɔgɔ sarakɛ wonuna ko la min kɛ, wo le ya a ma tele wo nyɛrɛ rɔ, mansɛ ya Bato-Bɔn lu-kolo-toe fanan sɛninya alako ka saraka-mintantɛnu nabɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-sogenu tɔ.

1 Mansɛnu 9:25

Mansa Silamɛni ya saraka-mintan-tinɛ min sɔ Mari ye, san-bo-san, a si saraka-mintantɛ anubɛ yisi-kima-sarakɛnu bɔ a kuma kinyama sawa, wo kɔma ka isɛnti fanan mintan Mari ye. Silamɛni tora Mari Bato-Bɔn fɛ-birala a kilɛ fɛ.

2 Ko-Kɔrɔta-Karan 1:5

Yurila den Bɛsalɛli ya saraka-mintan-tinɛ min nadan silɛɛ la nun, wo ye Marita Fani-Bɔn yarɔ Kibiyon. Yuri wo fa tɔgɛ le Huri. Mansa Silamɛni anubɛ ata mɔgɛnu ya Mari bato nyɔ.

2 Ko-Kɔrɔta-Karan 15:8

Mansa Esa ya nɛbiya-kumɛ kɛ lamɔɛn Nɛbi Asaraya bolo tumɛ min, wo ya a diya don a rɔ. A ya bɛsɛnu tinya Yuda nyamanɛ anubɛ Bɛnyamɛ nyamanɛ rɔ. Soe minnu biranɛ a bolo nun Ifɛrɛm kɔnkɔ-nyamanɛ rɔ, a ya nyɔ-bɛsɛnu tinya. Saraka mintan tinɛ min bi Mari Bato-Bɔn kata burɔ, a ya wo mabɛn.

2 Ko-Kɔrɔta-Karan 29:18

Lifayinu ya anu dantɛgɛ Mansa Hɛsakaya ye, anu ko, “Ma ara ban Bato-Bɔn sɛninyala iko tɔn ya a fɔ nya min. Saraka mintan tinɛ wo, biredi-sa-tebulu wo, anubɛ anu fɛ-miran bɛɛsi, ma ara wo bɛɛ sɛninya.

2 Ko-Kɔrɔta-Karan 7:7

Bawo saraka-mintan-tinɛ dɔgɔ sarakɛ wonuna ko la, wo le ya a ma, ale mansɛ ya Bato-Bon-lu-kolo-toe fanan sɛninya alako ka saraka-mintantɛnu bɔ nyɔ anubɛ fui-fen-sarakɛnu anubɛ kɛɛn min bɔra yisi-kima-saraka-soge wonu tɔ.

2 Ko-Kɔrɔta-Karan 8:12

Mansa Silamɛni ya sarakɛnu bɔ saraka-mintan-tinɛ kuma a ya min nadan Bato-Bɔn yarɔ.