2 Ko-Kɔrɔta-Karan 34:3 - ALLALA KUMƐ

³ Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

2 Ko-Kɔrɔta-Karan 34:3 ပူးပေါင်းရင်းမြစ်များ

1 Mansɛnu 13:2

Allata mɔgɛ wo kumara saraka-mintan-tinɛ ma iko Mari ya a fɔ a ye nya min. A ya a fɔ saraka-mintan-tinɛ wo ma ko, “E, saraka-mintan-tinɛ, Mari ara kɛ le fɔ ila ko rɔ, a ko, dan do si na sɔrɔn Dawuda bɔnsɔn rɔ. Anu si wo kele ko Yosaya. Saraka-masɔlɛ minnu bi sarakɛ mintanna ile saraka-mintan-tinɛ kɛ kuma, Mari ko dan wo le ye saraka-masɔlɛ wonu fagala ka anu kolenu mintan ile kuma.”

2 Mansɛnu 10:27

Anu ya Beyali anubɛ a kɔ tinɛ wo nyɛrɛ tinya ka le. Anu ya kɔ tinɛ wo nyɛrɛ ma bo-kɛ-tinɛ la ha bi.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

2 Mansɛnu 23:14

Mansa Yosaya ya kuru-lɛsɛnɛ wonu takerikeri. Wo kɔma, anuna bɛsɛ min tɔgɛ Asura, a ya wo fanan takeri. Wo kɔma, a ya kan tinɛ wo yamatogon mɔgɔni-gbu-kolenu na.

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

1 Ko-Kɔrɔta-Karan 22:5

Mansa Dawuda ya a miri ko ala den Silamɛni ye nala Mari Bato-Bɔn min sɔla, wo ni kinya ha nyamanɛ doinu ni a gbiliya a kinyɛla ko ma. A ya a lɔn min kɛ ko ala dan wo pose le fɔlɔn, woletɔ a ya a miri ko fɔ a wa ala dan wo denbɛ bɔn wo sɔ-mirannuna ko la. Yanni Mansa Dawuda ni faga, a ya miran-siyaman nyini bɔn wola ko la.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

2 Ko-Kɔrɔta-Karan 14:6

A ya a fɔ Yuda mɔgɛnu ye ko, “Ma ni nyamanɛ-kumafɛlɛn-bɛndɛ-layan-bɛnu sɔ ka tarɛ mini mata soe donu ma ka don-dɛ to anu ma minnu si balan. Nyamanɛ ara ma matɛ la bawo ma ara mata Mari Alla sako kɛ. Alla ara kilɛ tɛgɛ ma yogenu ma mala foolɛ bɛɛ rɔ.” Wo le ya a ma, a ya tarɛnu mini soe donu ma Yuda nyamanɛ rɔ bawo Mari ara yisi-kimɛ di anu ma.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 30:14

Mɔgɛnu bi sarakɛ anubɛ isɛnti mintanna bɛsɛnu ye saraka-mintan-tinɛ min kuma nun Yerusalɛm soe burɔ, anu ya saraka-mintan-tinɛ wo damasi lafili Kidirɔn lɛɛ rɔ.

2 Ko-Kɔrɔta-Karan 33:15

A ya bɛsɛnu nabɔ Mari Bato-Bɔn la. A ya bɛsi-kɔ-tinɛ minnu sɔ kɔnkɛ kuma, Mari Bato-Bɔn ye kan min, a ya wo bɔ nyɔ anubɛ minnu bi Yerusalɛm soe burɔ kan-tina-gbɛrɛkɛnu tɔ. A ya kɛ bɛɛ bi ka anu nakɛ a rɔ soe kɔma.

2 Ko-Kɔrɔta-Karan 33:17

Hali mɔgɛnu bi sarakɛnu bɔla kan-tina-siyaman tɔ kɔnɔ hali wo, anu bi sarakɛnu bɔla Mari kelen pe le ye.

2 Ko-Kɔrɔta-Karan 33:22

Ale Mansa Amɔn fanan ya hakɛ kɛ Mari la iko a fa Manasa ya a ma nya min nun. A ya a fala bɛsɛ wonu kɔ.

2 Ko-Kɔrɔta-Karan 34:33

Wo le ya a ma, Mansa Yosaya ya kisimiriya-bɛsɛ wonu tinya Isirɛla nyamanɛ wo mumɛ bɛɛ rɔ. Ale ye a niyi la wati min, a ya a ma, mɔgɛnu ya anu benbanuta Mari Alla bato.

Yaburi 119:9

Kemini-mɛsɛ si ke a nyɛrɛ lasɔlɔla kama? Fɔ ile Marita tɔn-birɛ fɛ!

Yaburi 71:5

Ma tigi Mari Alla, n yigi sanɛ ile le tɔ, ado kebi n dennɛ, n ya nna lanayɛ sa ile le tɔ.

Bɔ-Koe-Iyipiti 34:13

Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Hɛnkilimaya-Kumɛnu 20:11

Dennɛ si lɔn a kɛ-nya ma, ni a latelenta.

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Makawandili Kumɛnu 12:1

I tenbi fonikeyɛ rɔ, i miri i Dali-Mari ma. Wati-gbɛlɛyanɛnu bi nala i si a fɔ ko, “Koe bɛɛ bɔrɔ ara bɔ n ye.”

Saraka-Masɔlɛnuta Tɔnnu 26:30

Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.