2 Ko-Kɔrɔta-Karan 33:2 - ALLALA KUMƐ

² Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Ko-Kɔrɔta-Karan 33:2 ပူးပေါင်းရင်းမြစ်များ

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

2 Mansɛnu 21:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Mansɛnu 21:9

Kɔnɔ hali wo, anu ma sɔn anu tole masɔla. Mansa Manasa ya a ma, Isirɛla mɔgɛnu ya hakɛ kɛ dɔgɔma-ma-de hali ka tenbi mɔgɛ wonu na Mari ya minnu gben anu yarɔ nun.

2 Ko-Kɔrɔta-Karan 28:3

A ya sarakɛnu bɔ Hinom lɛɛ rɔ. A ya a halala-den-keinu mintan sarakayɛ la bɛsɛnu ye. Wo le ya a ma, Mari ya mɔgɛ minnu gben nyamanɛ wo rɔ nyɔ nun, wonu taranta milibɛlitaya-koe kɛ sufa mala nun.

2 Ko-Kɔrɔta-Karan 33:22

Ale Mansa Amɔn fanan ya hakɛ kɛ Mari la iko a fa Manasa ya a ma nya min nun. A ya a fala bɛsɛ wonu kɔ.

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Ɛsira 9:14

Wo rɔ, a ma bɛn, ma ni tɔn kɛnu boloka tun ka furu-nyɔgɔnyɛ ladon mabɛ mɔgɔ-yogomɛ kɛnu tɛma. Ni ma ya ma tui ka wo ma, i si ma lato dogbe! Hali mɔgɔ-den-kelan, a ti to a niyi la.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Isikiyɛli 11:12

A ko wo si a lɔn worɔ ko wota Mari le ale la bawo sibolo-gbɛrɛ minnu bi wola foolɛ rɔ, wo ya wonuta tɔnnu bira ka aletɛnu tinya.

Tɔn-Fɔɛ-Fila-Nyɔgɛ 12:29

“Wota Mari Alla si wo dɛnbɛ ka mɔgɛ wonu faga wo yarɔ, wo ye tala wo sigila kan min.

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

Tɔn-Fɔɛ-Fila-Nyɔgɛ 18:14

Musa ya a fɔ anu ye ko, “Wo ye nala tala sigila kan min, mɔgɛ minnu bi nyɔ kaka, wonu bi anu tayala ka yarɔma-koe fɔ duriya-wɔlɛ rɔ. Woleta Mari Alla ti sɔn wole ni wo ma.

Tɔn-Fɔɛ-Fila-Nyɔgɛ 18:9

“Mari Alla ye nala wota nyamanɛ min dila wo ma, wo wa ta nyɔ rɔ tumɛ min, wo kana mɔgɛ wonu kɛ-nya-yogomɛnu bi minnu siginɛ nyɔ de!