2 Ko-Kɔrɔta-Karan 32:7 - ALLALA KUMƐ

⁷ “Wo ni wo yisi gbɛlɛya ka wo kerinteya. Wo kana kilan Asiriya mansɛ anubɛ ala kɛlɛ-dannu na. Min bi ma fɛ, wo sɛnbɛ kolo anutɛ ko.

2 Ko-Kɔrɔta-Karan 32:7 ပူးပေါင်းရင်းမြစ်များ

2 Mansɛnu 18:30

A ko fanan Hɛsakaya kɛ kana na a ma, wo ni la Mari la. A ko wo kana wo miri ko Mari si wo kisi le, ado wo ni la a la ko mata kɛlɛ-dannu si wola soe kɛ bi wo bolo.

2 Mansɛnu 18:5

Mansɛ lara Isirɛlata Mari Alla la. Mansa-gbɛrɛ fenfen sa nyɔ Yuda nyamanɛ rɔ min si ke Mansa Hɛsakaya kɛ rɔ Alla wara-koe rɔ.

2 Mansɛnu 6:16

Nɛbi Ilaisa ya a fɔ a ye ko, “I kana kilan. Mata kɛlɛ-dannu siya anuta kɛlɛ-dannu ko.”

1 Ko-Kɔrɔta-Karan 22:13

Mari ya tɔn min bɛɛsi di Nɛbi Musa ma, ni i ya wonu bira, i wara-koe si ta yarɔ. I yisi gbɛlɛya ka i kerinteya. Fenfen kana a ma, i ni kilan.

1 Ko-Kɔrɔta-Karan 28:10

Wo le, ile ni a lɔn ko Alla le nyɛrɛ-nyɛrɛ ya ile yabɔ ko i ni ata Bato-Bon-sɛnimɛ sɔ a ye. Woletɔ kaka, i ni i sɛbɛ don ka i wakila wɔlɛ kɛ ma.”

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

2 Ko-Kɔrɔta-Karan 15:7

Kɔnɔ wo ni wo yisi gbɛlɛya ka wo kerinteya. Wo ya ko-nyima wo ko-nyima ma, wo si wo tɔnɛ sɔrɔn.”

2 Ko-Kɔrɔta-Karan 16:7

Wo wati rɔ, Nɛbi Hanani tara Mansa Esa wara. A ya a fɔ a ye ko, “Bawo i wara i yigi sa Siriya mansɛ rɔ, i ma i yigi sa ita Mari Alla rɔ, wo le ya a to, tɔ-a-la, i ti nɔ-ko sɔrɔn Siriya mansɛ anubɛ ala kɛlɛ-dannu ma.

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Nihɛmaya 4:8

Woletɔ anu ya yanfɛ kiri ma ma alako anu ni na ma kɛlɛ Yerusalɛm soe burɔ ka ma kɔndɔfili.

Yaburi 118:8

Yanni mɔgɛ ni a yigi sa hadama-dan rɔ, a fisa, a ni a yigi bɛn Mari ma.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Yɛrɛmaya 42:11

A ko wo ni fara kilanna Babilɔn mansɛ la. Ale Mari si taran wo fɛ. A si wo tanka a sɛnbɛ-wɛ la.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Sakaraya 8:9

Mari Sɛnbɛ-Bɛɛ-Tigi ko wa wo kerinteya. Nɛbinu ya kumɛ minnu fɔ Bato-Bɔn kurukɛ wati rɔ nun a kurɛ la, wo ye kuma kelan wo le lamɔɛnna kaka.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.