2 Ko-Kɔrɔta-Karan 32:29 - ALLALA KUMƐ

²⁹ Min sanɛ wo bɛɛ kuma, Alla ya kolo-fen-siyaman anubɛ nɔnfulu-siyaman di a ma ha a ya so-siyaman sɔ a nyɛrɛ ye.

2 Ko-Kɔrɔta-Karan 32:29 ပူးပေါင်းရင်းမြစ်များ

1 Ko-Kɔrɔta-Karan 29:12

Nɔnfuli anubɛ gbiliyɛ ye bɔla ile le bolo. Fan bɛɛsi ye ita mansaya-sɛnbɛ le kɔrɔ. Ile le si ke sɛnbɛ anubɛ tɔgɛ dila mɔgɔ ma.

1 Ko-Kɔrɔta-Karan 29:28

A kɔrɔyara kɔbɔkɔbɔ, a nara to so-sɛgi-kɛla. A ya so-sɛgi-kɛ fen-tigiyɛ anubɛ gbiliyɛ rɔ. Ala den Silamɛni sigira a gbɛ rɔ.

2 Ko-Kɔrɔta-Karan 17:5

Mari ya Yuda nyamanɛ lasabati Yɛhosafati ye. Ala mɔgɛnu tora a sanbala ha a mara nɔnfulu-tigi anubɛ tɔgɔlamɛ la.

2 Ko-Kɔrɔta-Karan 25:9

Mansa Hamasa ya nɛbi wo manyinika ko, “N bara ban nna wodi-gbɛ minnu dila anu ma, wo don?” Nɛbi wo ko, “Mari si do di i ma min tenbira wo la.”

2 Ko-Kɔrɔta-Karan 26:10

Wo kɔma, a ya nyamanɛ-kumafɛlɛn-bɛndɛ-layan-bɛ donu sɔ wulɛ rɔ. A ya kɔlon-siyaman sin kɔnkɛ kɔrɔ anubɛ lɛɛnu tɔ bawo kolo-fen-siyaman bi a bolo nyɔ rɔ. Sɛni-sɛ di a ye min kɛ, a ya mɔgɔ-siyaman lata ala sɛnɛnu tɔ minnu si sɛnɛnu wɔrɔ ka ki-fannu ki a ye.

2 Ko-Kɔrɔta-Karan 32:28

Wo kɔma, ala fui-fannu wo, ala nɔnbɔ-gbɔ-yi wo, anubɛ ala ɔlifi-tuli wo, a ya wonu namara-bɔnnu sɔ fanan. A ya ala kolo-fen namara tinɛnu sɔ.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Yobu 1:9

Setanɛ ya a manyinika ko, “Yobu wo si to ile batola wo nya na ni tɔnɔ-gbɛrɛkɛ sa a la, wa?

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.