2 Ko-Kɔrɔta-Karan 32:27 - ALLALA KUMƐ

²⁷ Mansa Hɛsakaya ya nɔnfulu-siyaman sɔrɔn, ado mɔgɛ bɛɛ ya a gbiliya. Ala sɛnɛ wo, ala wodi-gbɛ wo, ala kuru-da-gbɛlɛnu wo, ala kɛnɛnu wo, ala nɛgɛ-walannu wo, hali ala fen-koloma-toenu, a ya wonu damasi lamara-bɔnnu sɔ.

2 Ko-Kɔrɔta-Karan 32:27 ပူးပေါင်းရင်းမြစ်များ

2 Mansɛnu 20:13

Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen ladiya-fan anubɛ fen-suma-diyamɛ wo, kɛlɛ-kɛ-miran minnu maranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.

1 Ko-Kɔrɔta-Karan 29:28

A kɔrɔyara kɔbɔkɔbɔ, a nara to so-sɛgi-kɛla. A ya so-sɛgi-kɛ fen-tigiyɛ anubɛ gbiliyɛ rɔ. Ala den Silamɛni sigira a gbɛ rɔ.

2 Ko-Kɔrɔta-Karan 1:12

n si a ma, i ni wonu sɔrɔn. Min sanɛ wo kuma, i si ma nɔnfulu-tigi la ka fen-kolomɛnu nadɛn bui! Ka tenbi wo la, i mankan si ta pon ka tenbi mansɛ bɛɛ la duninya rɔ. I nyɔgɔn mansa ma bɔ wɛ, ado i nyɔgɔn mansa ti taran tun.”

2 Ko-Kɔrɔta-Karan 17:5

Mari ya Yuda nyamanɛ lasabati Yɛhosafati ye. Ala mɔgɛnu tora a sanbala ha a mara nɔnfulu-tigi anubɛ tɔgɔlamɛ la.

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 32:28

Wo kɔma, ala fui-fannu wo, ala nɔnbɔ-gbɔ-yi wo, anubɛ ala ɔlifi-tuli wo, a ya wonu namara-bɔnnu sɔ fanan. A ya ala kolo-fen namara tinɛnu sɔ.

2 Ko-Kɔrɔta-Karan 9:27

Ale Mansa Silamɛni ya a ma, wodi-gbɛ rakara Yerusalɛm soe burɔ baraki, iko kuru-kundi. Fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko toro-kuri-mɛsɛ minnu bi Isirɛla gburukulinu ma.

Hɛnkilimaya-Kumɛnu 10:22

Marita duwɛ, wo le kelen pe si mɔgɛ ma nɔnfulu-tigi la, ado mɔgɔ ti ke fen sala wo kuma a nyɛrɛta sɛnbɛ la.

Isikiyɛli 26:12

Anu yogenu si na anuna nɔnfuli anubɛ anuna yilaya-fan bɛɛ bi anu bolo. Anu si anuna bon-hakikɛnu tinya ka a dandannu keri. Anu si anuna kurinu anubɛ anuna fɛrɛn-kundinu anubɛ bon-buriburinu nakɛ a rɔ kɔgɔ-yi rɔ.

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.