2 Ko-Kɔrɔta-Karan 32:19 - ALLALA KUMƐ

¹⁹ Anu kumara sibolo-gbɛrɛ-bɛsɛnu ma nya min, anu kumara Yerusalɛmta Alla ma wo nya na le fanan, ado anu denu ya anuta bɛsɛnu nadan anu bole la.

2 Ko-Kɔrɔta-Karan 32:19 ပူးပေါင်းရင်းမြစ်များ

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

2 Mansɛnu 19:18

ka anuna bɛsɛnu mintan, ado ma ya a lɔn ko alla ma wonu na. Kɔlɔma anubɛ kuru-lɛsɛnɛ le wonu na dɔrɔn! Anu nadannɛ hadama-dan bolo la.

2 Ko-Kɔrɔta-Karan 32:20

Wo kɔma, Mansa Hɛsakaya anubɛ Emɔsila den Nɛbi Aiseya ya anu kan nabɔ Alla ma alako a ni anu dɛnbɛ.

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

Yaburi 74:18

Kɔnɔ Mari, i miri, i yogenu bi yɛlɛnna i ma. Alla-lɔnbɛlɛnu denu bi ile Alla rasɛla.

Yaburi 78:68

A ya Yuda bɔnsɔn yabɔ, a diyana-so Yerusalɛm ye kan min, kɔni.

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 37:19

ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 10:3

Fufafuyi le sibolo-gbɛrɛnuna namunyɛnu na. Anuna bɛsɛnu bɛnni ma fenfen ma fɔ gbɔngbɔn-kɔnnu, ado boloma-wɔli-kɛlɛnu bi wonu denu lɛsɛla tun.

Yɛrɛmaya 10:9

Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Yɛrɛmaya 32:30

Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

Isikiyɛli 25:8

“Nde, wo Tigi Mari ko Mohabu nyamanita-mɔgɛnu bara a fɔ min kɛ ko Yuda kɛnu bara ma iko nyamanɛ toenu,

Isikiyɛli 35:13

N bara anu yen mankan tugula n makuma-tinɛ.”

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Tɔn-Fɔɛ-Fila-Nyɔgɛ 4:28

Mɔgɔ-gbɛrɛkɛnu bara bɛsɛ minnu nadan anu nyɛrɛ bole la, wo si wonu kɔ. Bɛsɛ wonu ti ke fen yenna, anu ti ke fan sumɛ birala, anu ti ke fen dɔnna, anu ti ke ko lamɔɛnna bawo kɔlɔma anubɛ kuri le wonu na mɔgɛnu ya minnu nadan anu bole la.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.