2 Ko-Kɔrɔta-Karan 32:13 - ALLALA KUMƐ

¹³ Mansa Sɛnakaribu ko anubɛ a benbanu ya min ma nyamani-gbɛrɛkɛ-mɔgɛnu na, wo ma wo lamɔɛn, ba? A ko anuta bɛsi fenfen ma anu kisi ale Asiriya mansɛ ma.

2 Ko-Kɔrɔta-Karan 32:13 ပူးပေါင်းရင်းမြစ်များ

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Ko-Kɔrɔta-Karan 32:14

Bɛsɛ kɛ fenfen ma ke ala nyamanɛ kunkala a ma min kɛ, nfenna wo mirinɛ ko wola bɛsɛ si ke wo kunkala a bolo?

2 Ko-Kɔrɔta-Karan 32:19

Anu kumara sibolo-gbɛrɛ-bɛsɛnu ma nya min, anu kumara Yerusalɛmta Alla ma wo nya na le fanan, ado anu denu ya anuta bɛsɛnu nadan anu bole la.

Aiseya 10:14

A ko sibole min bɛɛ ye duninya rɔ, wonu mani de iko sisi-kililamɛ. A ko a ya anu bolo-fan bi anu bolo iko mɔgɛ ye sisi-kili bila nya min. A ko a ma kanban tagbesi a ma, ni wo ma ka a gbɔnkan.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Daniyɛli 5:19

Ala mansaya-sɛnbɛ kolo, duninya-mɔgɛ bɛɛsi kilanta a la. Ni mɔgɔ-faga-sɔgɛ ya a bira, a si wo ma. Ni a ye min tola a niyi la, a si wo fanan ma le. Ni mɔgɛ min gbiliya-sɔgɛ ya a bira, a si wo tigi gbiliya. Ni mɔgɛ min yarabi-sɔgɛ ya a bira, a si wo tigi layarabi.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!