2 Ko-Kɔrɔta-Karan 31:4 - ALLALA KUMƐ

⁴ Ale Mansa Hɛsakaya ya a fɔ Yerusalɛm kɛnu ye ko anu ni na anuna kɔ-fannu na a bɛnta, saraka-masɔlɛnu anubɛ Lifayinu ni min sɔrɔn. Anu si fɛrɛ di anu ma alako anu sɔndɔmɛ ni sa Marita wɔlɛ kuma wati bɛɛ.

2 Ko-Kɔrɔta-Karan 31:4 ပူးပေါင်းရင်းမြစ်များ

2 Ko-Kɔrɔta-Karan 31:16

Min sanɛ wo kuma, ni kei minnu sɔrɔn ara ke san bi-sawɛ rɔ hali ka tenbi wo la, hali a tɔgɛ ma taran Lifayi kebila-buku rɔ, wonu si anuta niyi sɔrɔn kɔ-fan kɛnu tɔ bawo anu si ta anuta wɔlɛ kɛ Mari Bato-Bɔn la.

Isikiyɛli 44:30

Anutɛ le dɔn-fen-kun-fɔlɔ-hakikɛ bɛɛ la anubɛ anu bi fan min dama dila nde, Mari ma. Mɔgɔ-wo-mɔgɔ wa biredi mintan, a fɔlɔtɛ, saraka-masɔlɛtɛ le wo la. Ni mɔgɔ-wo-mɔgɔ ya wo ma, nna duwɛ ti bɔ wola bɔn la.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 18:8

Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.

Hiburunu 7:5

Lifayi bɔnsɔn minnu bi saraka-masɔlayɛ la, a sɛbɛnɛ tɔn-kitabu rɔ ko anu ni yaka makele Isirɛla mɔgɛnu bolo. Anu bi wo makelela anu nyɛrɛta nyamanita-mɔgɛnu bolo, hali anu bɛɛ bɔra Iburayima bɔnsɔn le tɔ.