2 Ko-Kɔrɔta-Karan 30:10 - ALLALA KUMƐ

¹⁰ Kilayɛ wonu tara Manasa anubɛ Ifɛrɛm bɔnsɔn-mɔgɛnu bara soe bɛɛ rɔ. Anu tara pon fɔɔ Sɛbulɔn bɔnsɔn-mɔgɛnuna soenu tɔ kantɔ-wara la kɔnɔ mɔgɛnu yɛlɛnta kilayɛ wonu ma ka anu nafɛya.

2 Ko-Kɔrɔta-Karan 30:10 ပူးပေါင်းရင်းမြစ်များ

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

2 Ko-Kɔrɔta-Karan 30:6

Kilayɛ wonu tara Yuda nyamanɛ anubɛ Yerusalɛm soe rɔ iko mansɛ anubɛ ala mɔgɔ-banu ya a fɔ nya min. Min sɛbɛnɛ kɛdi wo rɔ, a ko, “Wole Isirɛla mɔgɛ toe minnu tora wo niyi la Asiriyanuna kɛlɛ rɔ, wo ni wo ya-lamunun ma benbanu Iburayima anubɛ Isiyaka anubɛ Yakobata Mari Alla la. Ni wo ya wo ma, ale fanan si a ya-lamunun wo la.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Luka 23:35

Mɔgɛnu sɔra a mafɛlɛn tinɛ. Yahudiyanuna kun-tiginu bi a mayɛlɛnna, anu ko, “A ya donu kisi kɔnɔ ni Allata-Mɔgɔ-Yabɔnɛ le ale la, alamɛ a ya a nyɛrɛ kisi!”

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 8:53

Anu dama ya Yisa mayɛlɛn bawo anu ya a lɔn serr ko dennɛ wo ara faga.

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Yobu 9:25

Nta wati ye tenbila tiriya iko buri-kɛlɛ, ado hali a nyima kelan, a sa wonu tɔ.

Ɛsita 8:14

A fɔɛ mansɛ bolo, “Wo ta gbɛ,” so-laburilɛnu yɛlɛta mansɛla so-buri-kɛla-wɛ wonu na tiriyante wo rɔ ka ta kɛdi wonu to tinɛnu tɔ. Anu ya kɛdi wo do fanan karan Susa so-karantan burɔ.

Ɛsita 8:10

Mɔdekɛyai ya a ma, anu ya a sɛbɛ Mansa Sakasi tɔgɔ rɔ ka ala mansaya-dɛɛn-kɔlɔnɛ-mandan sa kɛdi wonu ma. So-laburilɛnu ya mansɛla so-buri-kɛla-wɛnu bi ka ta kɛdi wonu to anu to tinɛnu tɔ.

Ɛsita 3:15

Kɛ fɔɛ mansɛ fanan bolo, kilayɛnu fanan ya sarakanɛ wo nyɛnsɛn Susa so-karantan burɔ. Anu ya mɔgɛ bɛɛ lalɔn Yahudiyanu nato-koe ma. Kumɛ kɛ ya Susa soe yabasan tumɛ min, wo ya a taran, Mansa Sakasi anubɛ ala kandɛ Heman siginɛ, anu bi fen-minyɛ kun na.

Ɛsita 3:13

Ala kilayɛnu ya kɛdi wonu bi ka ta anu to mɔgɔ-banu ma nyamanɛ wo tonke bɛɛ rɔ. Min sanɛ kɛdi wo rɔ ko, “San kɛ, a karɛ tan-ni-fila nyɔgɛ min tɔgɛ Adari, wo tele tan-ni-sawɛ ma, Yahudiya bɛɛ si faga wulɔn-tele ma. A denni wo, a kina wo, a musu wo, a kei wo, a bɛɛ si faga. Wo kana kinikini anu ma. Wo ni anu dama faga tɛrr, wulɔn-tele rɔ ka anu bolo-fannu bi.”

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

2 Ko-Kɔrɔta-Karan 34:9

Saraka-masɔlɛnu ya wodi min bira Bato-Bɔn don-dɛ la, anu ya wonu don Saraka-Masɔla-Kun-Tigi-Wɛ Helikaya bolo. (Min nara gbɛsɛ-gbɛsɛ kɛ la, wonu bɔnsɔn tɔgɛ le kɛnu na, Ifɛrɛm wo, Manasa wo, Yuda wo, Bɛnyamɛ wo, anubɛ bɔnsɔn doi minnu bi kantɔ-wara la. Yerusalɛm kɛnu fanan ya anutɛ labɔ.)

Yɛrɛmaya 38:19

Kɔnɔ mansɛ ya a fɔ n ye ko a ye kilanna ala nyamanita-mɔgɛnu denu na minnu bara kofu Babilɔn kɛnu ma. A ko Babilɔn kɛnu si a don ala mɔgɛ wonu bolo. Wonu si a bira boloko-yogomɛ-kɛ.